Понекогаш, дури и најосновниот список со училиштен прибор може да ги изненади родителите. Меган Берд, мајка на четвртоодделенец во Ајова, била изненадена кога видела нешто на списокот од неговата учителка што веднаш ја насмеало – дезодоранс.

-Учителката побарала секое дете да донесе дезодоранс и да го чува во своето шкафче за по големиот одмор и часот по физичко образование. Таа рекла дека дезодорансот прави огромна разлика во училницата – истакнала Берд.

Идејата ѝ се чинела толку брилијантна, што веднаш направила видео на „Тик-ток“ нарекувајќи ја учителката „гениј“, коментирајќи дека нејзиното барање ја оставило без зборови.

Во видеото таа хумористично опишала училница каде што околу триесет деца „на прагот на пубертетот“ се враќаат откако играле надвор.

-Дезодоранс, најпаметното нешто што сум го слушнала оваа година – вели таа.

Нејзиното видео брзо станало вирално, а коментарите почнале да се шират од сите страни – од родители, наставници кои се премногу запознаени со проблемот со „мирисот во училницата“.

@mamamamamamidwest The only work I can find to describe this teachers level of preparedness is genius. This school supply item game me a good chuckle and mad respect. You go fourth grade teacher! #backtoschool #teacher #teacherlife #puberty #funny #fyp #schoollife #schoolhack ♬ Calm background music with acoustic guitar and saxophone(1288148) – ame

-Еднаш морав да ја напуштам училницата за да подишам свеж воздух надвор, откако моите ученици од седмо одделение дојдоа директно од салата. Едвај можев да се воздржам да не ми се слоши – се вели во еден од коментарите.

Извор