Неодамна видов статија за враќање на домаќинството во училиштата. Иако идејата звучи добро, родителите мора да прифатат дека старите начини на учење нема да се вратат толку брзо и дека е несовесно да се очекува дека само училиштето е одговорно за создавање продуктивни и корисни млади луѓе. Улогата на родителите е да ги подготват за реалниот живот.

Подучувањето на децата за вредноста на парите, буџетот, но и чистењето и основите на готвењето не мора да чека до средно училиште, туку на тоа може да се почне да се работи со децата веднаш штом ќе ја поминат бебешката фаза.

Само оставете ги да ползат во природна, надворешна средина, на пример, во градината. Ова не само што ќе помогне во развојот на нивниот микробиом, туку ќе ги научи и од каде доаѓа храната, така што еден ден би можеле да размислат да одгледуваат нешто самите. Затоа, штом ќе застанат на нозе, нека ги ископаат и извадат сите оние компири што самите ги одгледувате, а како што растат, дајте им малку потешки задачи. Децата што одат на училиште веќе можат да помогнат во готвењето со тоа што ќе ја исчистат храната од градината и ќе ја стават во тенџере, за да добијат чувство за работа во кујната.

Исто така, можат да помогнат и при диплење и средување на алиштата.

Потоа треба да научат да користат кујнски нож и некои основни вештини за готвење. И што е најважно – како да ги измијат садовите и приборот. Ако почнете доволно рано, на возраст од 10 или повеќе години детето многу добро ќе знае како да придонесе за домот и заедницата.

Со текот на времето, ќе ги учите на нови вештини – детали за каматните стапки, како банките ги искористуваат предностите на личноста која треба да земе кредит и корисно е да ги научите и за управување со времето.

Детето мора рано да почувствува дека треба да биде корисен и продуктивен член на семејството и општеството во целина, но тоа нема да го усвои ако му посветите само една лекција дневно.

Вклучувањето на детето во секојдневните задачи едноставно мора да биде начин на живот кој мора редовно да се повторува. Ако не, целиот овој процес ќе мора да се повтори кога детето ќе влезе во партнерска врска како возрасен, што може да му донесе многу проблеми.

Ако не сте започнале навреме, можете да започнете во тинејџерските години. Веројатно ќе има малку поголем отпор, но не откажувајте се. Детето ќе разбере дека има работи што треба да ги направи за да може подоцна да прави позабавни работи.

Автор: Бредли Џордан

Извор