Ако некој среде ноќ ве разбуди и ве праша колку деца има Кристијано Роналдо, дали би можеле да одговорите?
Не дека станува збор за информација од животна важност, па зошто воопшто и би го знаеле тоа, но интересно е дека повеќето би се замислиле на тоа прашање и би почнале да бројат, зашто ако Кристијано има нешто, тоа се златни копачки и деца.

Еден од најдобрите фудбалери во историјата сака да позира за „Инстаграм“ со своето семејство, а нивната најнова заедничка фотографија за само еден ден собра над 10 милиони лајкови. А како и не би собрала, само погледнете ги!

„Црно-бело семејство“, напишал Роналдо во коментар бидејќи на сликата сите се во боите на неговиот нов клуб „Јувентус“, во кој премина по девет години поминати во шпанскиот „Реал Мадрид“.

Ете, ако некој ве праша колку деца има Роналдо, сега веднаш ќе знаете да одговорите, па дури и може да ги поредите според годините за бонус бодови – осумгодишниот Кристијано Јуниор, 14-месечните близнаци Ева Марија и Матео и осуммесечната Алана Мартина.

Инаку, мајка на најмладото девојче е неговата девојка Џорџина Родригез, но не е познато која е мајката на другите деца. Се претпоставува дека ги родила иста сурогат-мајка.