Како да го претворите паметниот телефон во „глупав телефон“ и да го намалите времето пред екран на вашето дете
Со екрани што го привлекуваат вниманието дури и на најмалите, родителите сè потешко успеваат да ги држат децата подалеку од телефоните. Среќа, постои трик кој не бара одземање на уредот и е познат како „глупав телефон“.
Кратките денови и непредвидливото време можат да го отежнат задржувањето на децата подалеку од екранот. Иако знаеме дека досадата е здрава за поттикнување на креативноста, реалноста е дека многу родители, балансирајќи меѓу работата и грижата за децата, прибегнуваат кон екрани барем неколку пати дневно.
Едно решение кое станува сè попопуларно на „Тик-ток“ се таканаречените „глупави телефони“, уреди со ограничен пристап до апликации, игри и социјални мрежи, кои им помагаат на родителите да го намалат времето пред екран без да го одземат телефонот.
Како да го направите тоа дома?
Активирајте „Downtime“ или „Focus Mode“
„Ајос“: Settings > Screen Time > Downtime. Може веднаш да се вклучи или да се закаже одредено време (на пример, пред спиење или наутро).
„Андроид“: Settings > Digital Wellbeing & Parental Controls > Focus Mode. Изберете апликации за пауза и поставете распоред.
Вклучете режим на сиви тонови
Помалку визуелни стимули значи помалку „допамински поттикнувачи“.
„Ајос“: Settings > Accessibility > Display & Text Size > Colour Filters > Greyscale
„Андроид“: Settings > Accessibility > Colour and motion > Colour correction > Greyscale
Исклучете ги известувањата
Исклучете сè освен најважните (на пример, повици) за телефонот да биде помалку привлечен.
„Ајос“: Settings > Notifications > изберете апликација > Allow Notifications off
„Андроид“: Settings > App Notifications > изберете апликација > исклучете ги известувања
Направете минималистички почетен екран
Можете да скриете апликации од почетниот екран за детето да мора свесно да ја бара апликацијата, со што се намалува импулсивното користење.
„Ајос“: Home Screen > долго притискање на апликација > Hide App
„Андроид“: Settings > Home Screen > Hide apps
Користете дополнителни апликации за „глупав телефон“
„Ајфон“: апликацијата Blank Spaces овозможува пристап само до основни функции (пораки, повици).
„Андроид“: достапни се различни опции за „глупав телефон“ во „Гугл плеј“.
