Кога некој пријател, колега или некој друг ќе направи шега на ваша сметка за која мислите дека не е соодветна, може да биде тешко да го прифатите тоа без горчина и лутина.

Ако се ​​однесувате како да не ви пречело, тогаш може да предизвикате повеќе слични коментари да бидат повторно упатени кон вас, а истиот начин на одговарање или влегувањето во конфронтација нема да го решат проблемот.

Можеби никогаш не сте слушнале за Сара Џејн Хо, а речиси сигурно не сте слушнале за нејзината професија. Дипломирала на „Харвард“ и сега е експерт за бонтон однесување. Таа работела за „Нетфликс“, а нејзината работа е да ги учи луѓето на добри манири и да помогне во развојот на социјалната интелигенција. За себе вели дека знае што да каже и на кој начин да постапи во секоја ситуација, дури и во многу непријатни моменти, на пример, кога некој ќе ве омаловажи. Таа тврди дека ако се најдете во ситуација кога некој ви упатува злобен коментар, можете да го дочекате со љубезност и стил, така што што ќе кажете една едноставна (и во никој случај иронична) реченица:

„Дали си добро?“

„Ако некој ми упати груба забелешка, јас обично го кревам погледот и учтиво велам: „Дали си добро? Како се чувствуваш?“

Тие три збора се сигнал дека не сте го разбрале коментарот како да е нешто што се однесува на вас, туку дека говори за состојбата во која се наоѓа тој што го изговорил коментарот и дека мислите дека тие зборови не биле во ред.

Колку што е важна содржината на она што го кажувате, толку е важен и тонот. Кога ќе прашате: „Дали си добро?“, не бидете лути или груби. Прашајте искрено.

„Целта не е да се возврати на навредата“, вели Хо.

Во некои ситуации, ако не кажете ништо, и тоа може да испрати слична порака, па може дури да биде посоодветно ако лицето што го дава непријатниот коментар не е блиско со вас, па односот со него да бара формален пристап.

И без разлика кој ве навредил, многу е важно да не му испраќате порака дека има контрола над вашето расположение. А лутите одговори, гневот и расправиите му испраќаат на лицето токму таква порака.

„Најголема моќ е кога ќе ѝ покажете на другата личност дека нема моќ над вас“, тврди Хо.

Извор