Мирот е повеќе од отсуство на конфликт, како што и здравјето е повеќе од отсуство на болка и страдање. Ова се три начини кои ќе ви овозможат да им го објасните значењето на мирот на децата.

Децата се луѓе во развој. Како возрасни, едукатори и родители, наша обврска е да им обезбедиме безбеден и чувствителен свет каде што може да растат сигурни и среќни. Имајќи го ова на ум, треба да се погледнат некои ресурси во однос на објаснувањето на мирот. Мирот е концепт кој изгледа чудно за младите детски умови. Па како да го дефинирате конкретно? Можеби е состојба на социјална стабилност и баланс. Или е нешто кое се развива кога различни групи работат заедно хармонично. Други експерти сметаат дека е отсуство на војна, насилство и нееднаквост.

Ресурси за објаснување на значењето на мирот

Голем дел од општеството е многу свесно за придобивките што културата на мирот ѝ ги дава на нашата коегзистенција. Ако сакаме работите да останат вака, важно е за децата да го интернализираат ова, колку побрзо – толку подобро. Мирот е гаранција за лична и социјална хармонија. Преку тоа креираме средина за превенција од насилство и конфликт со алатки како на пример, дијалогот. Ако едукацијата за мирот почне во семејството и се прошири потоа и во училиштето, можеме да одгледуваме деца и адолесценти способни за надминување на емоционалните и социјалните конфликти. Ќе утврдиме многу вреден апарат кога сме конфронтирани со епизоди на ризик и насилство, како сајбер-злоупотреба и насилство.

За да се спроведе тоа, сите активности поврзани со мирот се многу важни. Едукацијата за вредностите е фундаментална за да се одржи напредокот кон побалансирано и мирно општество.

Театар на конфликтот

Децата вообичаено сакаат да глумат и да имаат чувство дека се на сцена. И дома и во училницата, може да поставите нешто што се нарекува „театар на конфликтот“. За оваа активност, импровизирајте со едноставна сцена и замислете листа со вообичаени конфликти меѓу децата. На пример, караница за играчка, последното слатко изедено од постарото братче или сестричка, или несогласувања помеѓу родителите кои имаат работа, а децата сакаат да играат.

Откако сте го замислиле конфликтот, тој треба да биде импровизиран (одигран) на сцена од група деца за да го идентификуваат. Откако ќе биде идентификуван, децата треба да дискутираат и да дебатираат за емоциите што конфликтот ги предизвикал и за најдобриот начин преку кој треба мирно да одговорат и да реагираат.

Готвење

Готвењето може да биде одличен ресурс за објаснување на мирот на децата бидејќи може да дојде до појава на конфронтации при заедничко готвење. Еден од начините е да се организирате околу состојките. На пример, за да се направи торта, потребни ви се одредени состојки и не ви требаат други. Различен концепт е поврзан со секоја состојка. Еве пример: за да направите торта, не ви е потребна сол, па овој продукт, на пример, ќе го поврзете со терминот „насилство“. Но, потребни ви се јајца, па нив ќе ги поврзете со терминот „почит“. Продолжете со ова додека имате цела листа со продукти, користени и некористени. Откако ќе завршите, ќе ги поканите децата да ги изберат елементите што ќе ги користат за да направат торта на мирот. На тој начин тие ќе откријат кои се поврзаните вредности.

Читање приказни

Уште еден начин за објаснување на мирот на децата – читање приказни, класични и модерни, е корисна вежба во овој случај. Откако ќе изберат приказна, добра идеја е да ја прочитаат наглас, па секој да ја слушне. Потоа може да почнете дискусија во која децата ќе ги искажуваат своите мислења, ќе анализираат и ќе ги откриваат вредностите што се пренесени во приказната. Сите овие ресурси за објаснување на мирот на децата се корисни и потребни за креирање мирен свет и позитивна средина каде што децата може да се развиваат среќно и безбедно.

Извор