Врсничкото насилство долго време е важна тема меѓу родителите и никогаш не било лесно да се чуе дека се случило некаде. Сепак, отсекогаш се знаело за неговото постоење бидејќи сè се случувало во живо – со удари, малтретирање, изговорени зборови. А потоа дојдоа некои нови времиња и некои нови форми на малтретирање – без удари што оставаат видливи последици. Малтретирањето и насилството во онлајн светот стануваат сè почести, се влошуваат и можат да остават лузни што не се видливи, но се многу важни и болни.

Конференцијата „Сајбер гард 2025“ презентира загрижувачки бројки според кои дури една третина од учениците доживуваат онлајн насилство еднаш месечно. Покрај тоа, на конференцијата, исто така, се истакнало дека компаниите се соочуваат со сè посложени видови сајбер-закани.

Професорката Луција Вејмелка од Правниот факултет во Загреб ги презентирала резултатите од студијата за врсничко и онлајн насилство меѓу ученици од основно училиште во Хрватска, која покажала дека повеќе од една третина од децата (34,2 проценти) се изложени на електронско насилство најмалку еднаш месечно, а една четвртина (24,1 процент) го прават тоа во истиот период. Особено загрижувачки е фактот што повеќе од една четвртина од учениците барем еднаш добиле сексуална или несоодветна содржина од непознати лица преку интернет и дека речиси секое седмо дете (14,8 проценти) во основно училиште, барем еднаш закажало средба лице в лице со непознато лице преку интернет.

Извор