Филис, 36-годишна мајка на четири деца, станала вирална на „Инстаграм“ откако објаснила зошто мисли дека бејби-бумерите се најлошите баби и дедовци. Видеото собрало повеќе од 1,1 милион прегледи и речиси 27 илјади допаѓања за само неколку дена.

Во видеото Филис вели дека бумерите (родени помеѓу 1946 и 1964 година) честопати едвај чекаат да станат баби и дедовци, но кога тоа ќе се случи – тие се повлекуваат. Како што тврди таа, кога ќе ги замолите да ги чуваат своите внуци, дури и за кратко време, одговорите често се: „Тие се ваши деца“, „Најдете дадилка“ или „Не можам, имам куче“.

-Тие доаѓаат на пет минути, не одат на родендени, не сакаат да помогнат… И не ги молиме да ги одгледуваат нашите деца, бараме само малку присуство – вели Филис.

Нејзиното видео наиде на одговор од родителите од милениумската генерација кои се идентификувале со нејзините зборови. „Се согласувам целосно… оваа генерација баби и дедовци навистина не се заинтересирани“, напишал еден корисник. Друг додал: „Бумерите дури и не нè одгледаа како што треба, а сега очекуваме да ни помогнат со внуците?“

Сепак, не биле сите критични: „Моите родители од генерацијата на бумерите ги обожаваат моите деца и прават сè за нив“, напишало едно лице.

Филис нагласува дека нејзината цел не е да предизвика конфликт меѓу генерациите, туку да стимулира разговор.

-Сакам нашите деца да имаат однос со нивните баби и дедовци каков што имавме ние со нашите – заклучила таа.

@motherphyllis Did you ask your sister before you asked me?? I swear boomers are the funniest grandparents #fyp #fypシ #foryoupage #fyppppppppppppppppppppppp #sahm #millennial #boomer #generations #funny #honest #truth #mom ♬ original sound – Phyllis

Извор