Терапевтите и советници Мори и Арлеа Шехтман забележуваат дека најчестата фраза што ја слушаат од несреќните парови е: „Едноставно се оддалечивме“. Оддалечувањето е причина број еден зошто браковите не успеваат. Сепак, според Мори, постојат неколку работи кои паровите можат да ги направат за да ја намалат веројатноста тоа да се случи со нивниот брак.

– Кога луѓето обично велат „се оддалечивме“, тоа значи дека едниот партнер се променил, а другиот не. Едноставно кажано, добриот брак поттикнува личен раст. Ако вашиот партнер не еволуира, ќе ви стане досадно. Ако не еволуирате, ќе си здосадите сами на себе – вели Мори.

Овие двајца терапевти тврдат дека исполнет брак не подразбира удобност. За да не се оддалечат паровите, тие мора да растат заедно. Не мора во иста насока, но тие мора да растат бидејќи тоа е тајната на среќниот и здрав брак. Еве ги советите што ги споделија за паровите кои сакаат да растат заедно.

– Осигурете се личниот раст да биде заедничка вредност за вас и вашиот партнер: Добрите бракови се оние во кои партнерите споделуваат исти вредности, велат терапевтите.

– Посветете се на целта на вашиот живот: Дајте сѐ од себе, целосно искористувајќи ги вашите таленти и вредности. – Бракот не е ваша мисија во животот. Ниту воспитувањето деца – велат експертите.

– Предизвикајте го вашиот партнер: Безусловното прифаќање е за новороденчиња. Грижата за партнерот значи да го замолите и да му помогнете да биде најдобрата верзија од себе и да расте.

– Не мешајте ја физичката блискост со интимност. – Многу луѓе паѓаат во замката да веруваат дека треба да поминуваат одреден број часови неделно разговарајќи, споделувајќи оброци или да бидат интимни со својот партнер – забележуваат терапевтите. Но, тие заклучуваат дека времето поминато заедно не е гаранција за интимност. Вистинската интимност се заснова на квалитетот на комуникацијата.

Извор