Не е лесно да се одгледуваат емоционално интелигентни момчиња. Како мајка на момчиња, веројатно правиш сѐ што можеш за да ги научиш како да се движат низ овој голем, комплициран свет со емпатија и самосвест, а и сигурно заслужуваш аплауз.

Но, како и повеќето работи, оваа некогаш застрашувачка задача станува уште потешка во тинејџерските години – и еден експерт вели дека ова може да биде работа за таткото.

Во една епизода од „Рич рол поткаст“, психологот Лиза Дамур споделила една причина зошто момчињата се борат со изразувањето на емоциите и како татковците можат целосно да ја променат играта.

-Многу момчиња, особено во средно училиште, бидејќи почнуваат да го консолидираат чувството за мажественост, одлучуваат дека зборувањето за чувствата е „женска работа“ – објаснила Дамур.

Без разлика дали вие воспитувате момчиња или само се сеќавате на сопственото детство, веројатно можете точно да ја одредите оваа промена.

-Кажете им на момчињата дека се во дом со двајца родители. Кажете им дека не треба само мајката да зборува за чувствата – вели таа.

Дамур објаснува дека на момчињата им се потребни машки примери за да им покажат дека можат да бидат и мажествени и емоционално ранливи. Не е дека ранливоста на мајката не е од помош, но понекогаш на момчињата им треба само малку доказ дека емоциите се составен дел и од машкоста.

-Мажите во нивните животи, без разлика дали е тоа татко или учител, тренер, знаете, сите различни мажи треба да зборуваат за своите емоционални искуства и потоа да ги прашуваат момчињата за нивните, за да работиме против овој стереотип дека чувствата се само за девојчињата – вели таа.

Повеќето што коментирале се татковци или други машки примери кои ја преземаат оваа важна улога. Но, многумина истакнале еден проблем: како мажите да ги учат момчињата да ги искажуваат своите емоции ако многу од нив никогаш не научиле?

-Повеќето мажи сè уште не се навистина отворени да зборуваат за чувствата. Така, повеќето момчиња нема да учат од нив. Можеби треба да почнеме да ги учиме возрасните мажи како да се справуваат со емоциите – истакнал еден корисник.

Можеби работењето на воспитувањето повеќе љубезни, емпатични, самосвесни момчиња може да инспирира некои мажи да почнат да работат на себе и така да се создаде прекрасен круг на повратни информации на емоционалната интелигенција. Напредокот почнува од дома!

Автор: Меган Лакрета

Извор