Суптилни знаци дека детето не јаде доволно растителни влакна
Храната богата со растителни влакна е најдобриот избор за добри бактерии во цревата и кај возрасните и кај децата. Како што објаснуваат диететичарите, нерастворливите влакна се најзастапени во мешунките, интегралните житарки, овошјето и зеленчукот. Ако детето не јаде доволно влакна, тоа може да доведе до одредени несакани ефекти и здравствени проблеми.
За да се избегне тоа, педијатрите нагласуваат дека е многу важно да се внимава на какви било невообичаени симптоми, кои во најголем број случаи откриваат дека детето внесува недоволно количество влакна преку храната. Овие симптоми се:
-опстипација (запек)
-чувство на глад набрзо по консумирањето оброк
-замор, исцрпеност и недостиг на енергија
-нагло зголемување на телесната маса.
Со оглед на тоа дека овие симптоми тешко се забележуваат, повеќето родители ги игнорираат, што може да доведе до посериозни здравствени проблеми, предупредуваат експертите.
