Совети за надминување на тешките моменти има премногу, но понекогаш некои се болно нереални, а други честопати се токсично-позитивни. Тешко е да се најде конкретен и цврст совет кој нуди помош и удобност, а објавата што ќе ја видите подолу станала вирална бидејќи го обезбедува токму тоа.

Имено, советот доаѓа од една жена по име Елена Михалкова, поточно од нејзината баба, и гласи вака:

Во тешки времиња, одете напред со мали чекори.
Правете го тоа што треба, но малку по малку.
Не размислувајте за иднината или што може да се случи утре.
Измијте ги садовите.
Избришете ја прашината.
Напишете писмо.
Направете супа.
Гледате?
Напредувате чекор по чекор.
Направете чекор и застанете.
Одморете се.
Пофалете се себеси.
Направете уште еден чекор.
Потоа уште еден.
Нема да забележите, но вашите чекори ќе растат сѐ повеќе и повеќе.
И ќе дојде време кога ќе можете да размислувате за иднината без да плачете.

Советите на баба Михалкова поттикнале ентузијазам кај следбениците на нејзината внука, а луѓето масовно ги споделуваат.

За разлика од советот-клише: „една нога пред друга“, овие совети нудат конкретни чекори што треба да се преземат. Сегментот каде што овој совет допира длабоко до срцата на луѓето е токму она што ги прави важни малите, едноставни и секојдневни задачи. Подготовката на ручекот може да изгледа неважна, но ви дава можност да се цените себеси за сите оние секојдневни задачи што успевате да ги направите.

Овој совет, исто така, оди подалеку од потсетувањата на фактот дека „сонцето повторно ќе изгрее утре“ и потврдува дека работите можеби нема да се подобрат утре или задутре. Секогаш е потребно време за да зараснат раните и да поминат тешките времиња, но не треба пасивно да чекаме да се случи тоа. Можеме едноставно да зготвиме супа, да се одмориме и да бидеме љубезни кон себеси.

Извор