Вистината е дека никој не сака да му се кажува што да прави.

Како да му дадете совет на тинејџер на начин што ќе го натерате навистина да ве слуша?

Првото нешто што треба да го запомните е дека треба добро да го знаете тинејџерот со кој разговарате. Мора да го разберете. Кога сакате некого толку многу, понекогаш може да станете очајни и да правите работи што мислите дека се за негово добро, но всушност и физички и емоционално го туркате и повредувате.

Авторитет без авторитарност

Потребно е да се најде рамнотежа помеѓу авторитетот и авторитаризмот. Децата пораснати од авторитарни родители постојано се сомневаат во себе.

Кога зборувате со тинејџер од ваша перспектива, може да се чувствува мал, неинтелигентен и непочитуван. Наместо да му кажувате што да прави, прашајте го што сака да прави. Исто така, наместо да кажете „Направи го тоа“, речете „Ајде да го направиме тоа“.

Разговарајте со вашиот тинејџер кога е среќен и присутен. Одвојувајте време за него секој ден. Повеќе слушајте отколку што ќе зборувате.

Како да комуницирате со вашиот тинејџер и да чувствувате дека ве слуша?

Постои разлика помеѓу разговор, комуникација и врска.

Врската има цел да го натера да ве слуша и да ги исполни вашите предлози.

Ако имате здрав однос со вашето дете во неговите преттинејџерски години, тогаш ќе имате здрав однос и во текот на тинејџерските години.

Кога и како да му дадете совет на тинејџерот?

Ослободете се од работата, оставете ги настрана социјалните обврски и исклучете ја електрониката. Излезете на ручек со детето или на кафе. Правете го тоа често. Тинејџерите не сакаат изненадувања дури и кога се пријатни. Секогаш имаат планови. Кога тинејџерот е добро одморен и нахранет, поголема е веројатноста да биде отворен за сѐ што имате да кажете.

Секогаш бидете тука за вашето дете. Добро би било да не постојат табу-теми затоа што тинејџерот сам ќе најде одговори ако не ги добие од вас. Сигурно повеќе би сакале да ги слушне одговорите од вас отколку од непозната личност.

Секако, дајте му до знаење дека не секогаш ги имате сите одговори. Но, покажете му дека сте спремни да ги побарате и дека имате желба за учење. Дајте му до знаење дека сте во неговиот тим и сте спремни да работите со него.

Конечно, приказните секогаш помагаат. Кажете му како ви било кога растевте. Ова е најголемата активност за поврзување помеѓу секој возрасен и тинејџер.

Тинејџерите, како и повеќето возрасни, дефинитивно не сакаат да им се кажува што да прават или како да мислат. Затоа, наместо да ги форсирате советите, прашајте ги што би сакале да слушнат.

Направете го вашиот разговор повеќе за слушање отколку за кажување. Наместо да проповедате, нека се работи за наоѓање решенија и за решавање проблеми.

Извор