Треба само кратко истражување низ дома за да се најдат пластични садови, фантазија и желба за креативна акција и потоа може да се создава. Со смеса од гипс може да се направат прекрасни весели фигури за во дворот, а потоа и да се обојат. Прекрасна занимација и за децата и за родителите. Не чини многу пари, а радоста е огромна.

Рецептот и фотографиите се на Наталија Милорадовска.

– Гипс се меша со малку вода за да се добие густа смеса. Се става во пластичен калап, кој претходно се премачкува со нешто мрсно. Се суши за околу еден час – објаснува Наталија.

А откако ќе се извади од калапот, формата може да се бои.

-Јас користев мрсни бои за железо. Додека работите со гипсот, кој е во прав, заштитете ги дишните патишта на децата, а потоа внимавајте и како ракуваат со боите и со четките. Користете заштита и безбедни бои и материјали. Уживајте! – вели Милорадовска.