„Дали облеката го прави човекот“ е старо прашање кое во нова, изобличена форма, молскавично стигнува до клупите на нашите ученици преку интернетот. Во нарушениот систем на вредности, некои ученици денес на потешкиот начин го наоѓаат одговорот на ова прашање.

„Имаме млади луѓе кои носат брендирани парчиња и поради тоа мислат дека имаат одредени поволности, а од друга страна ги имаме оние што ги немаат овие услови и тие се т.н. фушери. Тоа е форма на насилство што доведува до многу различни последици“, изјавила Јована Шкориќ, социолог.

Факт е дека фалењето и снобизмот се проткаени низ сите општествени сфери. На пример, криминалот и развратот се единствената почетна точка за создавање нови музички жанрови. Материјалистичкиот вирус се чини дека има тенденција да зарази поголем дел од населението.

„Најважно е родителот да биде пример за своето дете, модел – како детето ќе гледа на луѓето околу него и дали ќе им даде предност на материјалните или духовните вредности, ќе зависи од ставот на родителите кон тие аспекти“, вели Светлана Стојшин, психолог.

Новиот тренд го отвори прашањето и за воведување униформи. Мислењата на експертите се поделени. Додека едни сметаат дека униформирањето на учениците ќе ја отстрани автентичноста и дека оваа постапка е само „гребење“ на површината, други сметаат дека униформите би го намалиле врсничкото насилство. Поделени се и мислењата на учениците.

Скенирање на шифрите на облеката, проверка на оригиналноста на брендот и собирање на износот, се нови трендови. Улогата на семејството е од клучно значење за формирањето на личноста, а експертите апелираат до родителите да влијаат врз создавањето соодветен систем на вредности кај децата.

Автор: Дуња Ковачевиќ

Извор