Не е изненадување што ќерките кои чувствуваат дека нивниот однос со нивната мајка има елементи на топлина, кои се блиски, ја гледаат целата врска како позитивна. Истражување покажува дека позитивниот однос со мајката, всушност, е во корелација со самодовербата и здравата слика за телото на девојчето. Со други зборови, ќерките што имаат конфликтни, болни односи со своите мајки, имаат поголема веројатност да имаат ниска самодоверба и несигурност во врска со сопственото тело.

Истражувачите тврдат дека не треба да извлекуваме заклучоци од оваа поврзаност помеѓу квалитетот на односот мајка-ќерка и самодовербата на ќерката, но не можеме да ја негираме логичната поврзаност, особено кога се зема предвид возраста на девојчињата кои учествувале во истражувањето. Станува збор за десетгодишни девојчиња, што е многу деликатна возраст.

Самодовербата на мајката и нејзиното прифаќање на сопственото тело

Слично како и претходното, истражувањето за односот меѓу мајките и нивните возрасни ќерки покажало дека кога мајката се срами од својот изглед и не го сака своето тело, таа многу често овој став ѝ го пренесува на својата ќерка. Исто така, мајките што често критички гледале во своето тело, барајќи мани во огледалото, имаат ќерки кои подоцна го прават истото.

За време на истражувањето, истражувачите ги охрабриле мајките да им покажат на своите ќерки дека телото на возрасната жена е прифатливо и убаво со сето она што таа го гледа како мана.

Споделување на емоционалниот товар и удобност

Едно истражување даде уште поинтересни резултати. Истражувачите сакале да го проверат нивото на стрес кај тинејџерките и влијанието на мајката и нејзината блискост врз намалувањето на нервозата. За да го постигнат ова, тие на тинејџерките им дале три минути да одржат импровизиран едукативен говор (за да симулираат стрес и да предизвикаат анксиозност). Во исто време, на мајките на девојчињата им било кажано да седнат до нив додека зборуваат и да ги држат за раце. Резултатите покажале дека кога мајките ги држеле за рака своите ќерки, вознемиреноста за време на говорот била помала отколку кога само седеле до нив.

Ако врската помеѓу мајката и ќерката е силна и квалитетна, анксиозноста кај овие девојчиња е значително помала, дури и без физички контакт со мајката. Заклучокот на авторите е дека добриот однос мајка-ќерка може да ја заштити ќерката од емоционален стрес на сличен начин како што тоа го прават физичкиот контакт и поддршката.

Она што е толку одлично за овие резултати и целото истражување е тоа што, всушност, е прилично едноставно за мајките да го применат овој совет на нивното сопствено родителство: само верувајте во вашите ќерки. Очекувајте многу од нив. Кога ќе наполнат 30 години, ќе ви се заблагодарат за тоа.

Извор