Сите деца искусуваат „булинг“. Ако вашето дете го искусува или е вклучено во такво нешто, сето тоа ќе има влијание врз него. Како сведок, може или да се идентификува со жртвата и да чувствува срам, страв и ранливост, или да биде во искушение да побара статус поврзан со доминантниот насилник. Булинг е кога една или повеќе индивидуи се вклучени во физичка, вербална или емоционална злоупотреба на друго лице. Корените се во нашата универзална желба за социјален статус и нашата тенденција да се натпреваруваме за статус преку обид да се постигне доминација меѓу нашите врсници и тоа преку вербален натпревар, но исто така и со емоционално и физичко заплашување.
Но, многу често борбата за статус ја преминува границата и преминува во злоупотреба, предизвикувајќи долготрајна штета на оној што е злоупотребуван, а исто така поставува и дисфункционално однесување кое доведува до дополнителни проблеми подоцна во животот. Но, што можат да направат родителите? Можете да лобирате за носење антибулинг политики во училиштата. Но, можете и да ги едуцирате децата за начините како да се заштитат. Ова се неколку начини на кои вие како родители можете да постапите ако детето е жртва на булинг:
Разберете, валидизирајте и спротивставете се на такво однесување во семејството
Сфаќањето на емоционалната динамика која ја предизвикува булингот треба да биде основното нешто во едукацијата за таа појава на вашето дете. На децата ќе им требаат зборови за да го опишат лошото чувство или срам кога се задевани или се жртви на булинг. Тоа може да се случи и меѓу браќа и сестри во самиот дом, но исто така и при интеракција со возрасни и други деца. Препознавањето на чувството е прв чекор кон наоѓање ефективен начин за справување.
Учете ги децата на вештини за отпорност
Ако ги сфатиме чувствата и развиеме избори за начините на кои ќе реагираме на нив, тогаш сме пофлексибилни. Без избори, нашето однесување и нашите чувства ќе бидат диктирани од примарните емоции предизвикани од булингот. Срамот ќе нè натера да се криеме, да се предадеме и да сакаме одмазда. Ако разбереме што се случува, ќе можеме да развиеме поинаков одговор на тоа. Децата може да бидат многу отпорни. Колку повеќе се охрабрени и поддржани во развивањето креативни одговори кон животните предизвици, толку поотпорни ќе бидат.
Охрабрете ги децата да се спротивстават на булинг кога ќе го посведочат
Не е потребно да се совлада насилник за да се спротивставите. Не морате да бидете суперхерој – да се избере да не се биде пасивен набљудувач е еден од начините за спротивставување. Спријателувањето со жртвата е еден од начините да се спротивставите. Пријавувањето или помагањето во процесот на пријавување е исто така еден од начините за спротивставување. Тука се подразбираат и низа дела кои градат чувство на емпатија. Децата може да прашаат: „Што ако спротивставувањето на булингот ве прави цел?“ Факт е дека стравот од булингот веќе ве прави цел, а нема гаранција дека криењето ќе ве заштити. Изнаоѓањето на најбезбедните начини за да се спротивставите на булингот е најдобриот начин да се избегне да се стане жртва.
Автор: Брок Хансен
912