Ако разликата во возраста меѓу вашите деца е многу мала, ќе треба постојано да внимавате на постарото дете бидејќи децата на возраст под две години бараат постојан надзор.

Со многу мали деца, со мала разлика меѓу нив, ќе треба да се грижите и за двете, што е очигледно многу тешко. Некои би рекле дека оваа ситуација е уште потешка отколку грижата за близнаци затоа што барем ги интересираат истите работи. Меѓутоа, кога постарото дете ќе наполни две години, ќе сфатите дека ви е многу полесно да се грижите за двете деца. И по 18 месеци животот може да стане малку поедноставен бидејќи во овој период децата почнуваат да развиваат чувство за опасност и помали се шансите да се повредат.

Во меѓувреме, навикнете се на нередот, конфузијата, преполните корпи за алишта и фактот дека нема да постигнете многу. Тоа ќе трае само неколку месеци и ова е навистина време кога родителството ќе биде најхаотично (освен ако не одлучите да имате повеќе деца, се разбира). Во оваа фаза најдобро е да седите на подот и да играте. се Лесно е да ги израдувате децата на оваа возраст и многу е полесно да се постигне тоа задоволство отколку да се одржува уреден и организиран домот.

Една од предностите кога имате две деца под две години е тоа што и двете ќе имаат попладневна дремка во исто време, што ќе ви даде малку време за себе. Друга предност е што можете да ги ставите во двојна количка и да одите на долга прошетка што ќе ви го спаси разумот.

И конечно, тие ќе бидат неверојатно слатки заедно. Во основа, имате мало бебе и големо бебе и многу е симпатично да ги гледате како комуницираат. Кога сте надвор, ќе се најдете во центарот на вниманието и, со малку среќа, ќе најдете многу поддршка, честопати од сосема непознати луѓе.

Извор