Ова се нештата кои бебето ги засакува додека е во мајчиниот стомак:
Гласот на мајката
Дали сте забележале дека новороденчето најдобро се смирува со гласот на неговата мајка? Кога мајката си игра со бебето и разговара со неа, тоа задоволно гуга. Иако бебето на почетокот не може да го види надворешниот свет, штом ќе го слушне гласот на мајката, веднаш се чувствува посигурно. Гласот на мајката носи среќа дури и ако бебето лежи во лулка, а мајката зборува во кујната, на пример.
Совет: Од моментот кога ќе се развијат ушите на бебето во утробата, бебето почнува да ужива во звукот на мајчиниот глас. Да, има магија во моќта на гласот на мајката – искористете ја таа смирувачка енергија за да разговарате, да пеете и да го милувате стомакот секој ден додека вашето бебе е сè уште во утробата. Гласот на мајката е најдобриот „саундтрак“.
Лесна музика
Слушањето музика го ослободува хормонот на среќата серотонин. Затоа, можете редовно да му пеете на вашето бебе додека е сè уште во вашиот стомак. За секој случај (и за подобра изведба), додајте добра музика во заднина. Музиката нека биде релаксирачка и не премногу гласна. Иако сè уште не сте го запознале вкусот на вашето бебе за музика, постои голема веројатност дека премногу гласна музика би можела да предизвика вознемиреност, а тоа не го сакате…
Совет: Бебето во стомакот може да слуша музика исто како и вашиот глас, затоа не ставајте го мобилниот телефон или слушалките на стомакот, тоа не е потребно. Покрај смиреноста што му ја носи музиката на бебето, сигурно е дека на овој начин ќе стекне и висока толеранција за караоке.
Добро расположение
Сигурно понекогаш ќе се најдете во стресни ситуации за време на бременоста. Стресот изгледа неизбежен, но сепак обидете се да управувате со количината на стрес што допира до вас бидејќи може да влијае врз вашето бебе. Ако бебето може да ја почувствува вашата среќа и добро расположение, тогаш може да ја почувствува и вашата тага.
Совет: ако се појави стресна ситуација, вдишете длабоко и замислете дека сте на тропска плажа додека партнерот ви ги масира стапалата. А и сладоледот е секогаш добра опција. Држете се до сончевата страна на животот, колку што можете повеќе и почесто.
Вкусна храна
Мислевте дека сте единствените што копнеат по храна? Можеби некогаш сте забележале дека вашето бебе се движи во утробата по оброк. Како што ситоста ве прави задоволни, истото му се случува и на вашето бебе. Исто така, му дава на вашето бебе енергија.
Совет: Кога ќе дојде желбата, не воздржувајте се и почестете се со слатки. Земете чоколадо, но гледајте да не биде тоа проследено и со краставички, сладолед и чипс… Не за џабе велат дека желбата за храна за време на бременоста е како кулинарска лотарија – никогаш не се знае која добитна комбинација ќе биде извлечена.
912