Ако сте загрижени дали вашето дете изгледа уморно, голема е веројатноста тоа да нема никаква врска со недостиг на сон, обврски поврзани со училиштето или зјапање во екран. Има толку многу причини зошто вашето дете може да има темни кругови, а доктор ги уверува родителите дека повеќето од нив „не се причина за загриженост“.

Меѓутоа, во ретки случаи, тоа може да укаже на основниот здравствен проблем на вашето дете, па затоа е секогаш важно да бидете свесни за какви било потенцијални причини за овие кругови околу очите или какви било промени во нивниот изглед.

Темните кругови под очите обично се поврзуваат со недоволно сон, но експерт објаснува дека тоа всушност не е така и дека многу почесто се под влијание на генетиката.

Тие обично се поврзани со малку поголем проток на крв во вените под кожата под очите. Тие се позабележителни кај децата бидејќи потемната крв во вените се издвојува под нивната мека проѕирна кожа. Бојата на круговите не значи ништо посебно (кафеава, виолетова или сина) – повеќе е одраз на бојата на кожата и длабочината на крвните садови. Понекогаш потемната боја може да се однесува на пигментацијата на кожата или дамките.

Лекарот Сем Хеј објаснува дека многу родители веднаш закажуваат преглед на лекар кога ќе се појават темни кругови, но дека најчесто нема причина за грижа.

Темните кругови под очите можат да бидат предизвикани од алергиски реакции, дехидрација, изложување на сонце, па дури и од тесни очила за пливање, но д-р Хеј објаснува дека генетиката е главен фактор.

Ретко, некој вид нутритивен недостиг може да има улога во појавата на темните кругови, но експертот објаснува дека во овој случај обично не се прават тестови на крвта, додека сомнителниот дефицит на Б12 или железо бара детален преглед кај педијатар.

– Заклучокот е дека темните кругови се многу чести кај децата и ретко се причина за загриженост. Погрижете се децата да јадат балансирана исхрана и секој ден да носат шише вода на училиште за да останат добро хидрирани – заклучува експертот.

Извор