По години на многу внимателен пандемски живот, моето семејство конечно резервира одмор во Мексико „ол инклузив“. Сметавме дека тоа што не мора да размислуваме да плаќаме за ништо ќе биде полесно за нашите мозоци уморни од ковид. Тоа беше нашето прво искуство во одморалиштето како четиричлено семејство (мојот син има пет, ќерка ми две и пол години) – и моето прво „ол инклузив“ искуство досега. Беше неверојатно, но тоа делумно се должи на советите што ги научив однапред, и некои други дополнителни што ги научив низ целиот тој процес. Затоа што, да бидеме искрени, дури и кога сме на одмор, ние повторно сме родители, но во различен амбиент, па трикови и совети се секогаш добредојдени.

Еве како да го извлечете максимумот од вашето летување:

Фрлете го распоредот на вашите деца

Во ред, тоа звучи драматично, но не очекувајте да го одржувате точниот распоред за дремка и спиење што го имате дома. И не мислам на ова како што вашата свекрва ви вели дека сте премногу ригидни во врска со распоредот и дели лекции од типот: „Во мое време не се грижевме“ и така натаму. Но, корисно е целата фамилија да ги смени распоредите за да легнете подоцна и да се будите подоцна бидејќи многу забавни работи се случуваат навечер. Нашето одморалиште имаше музика во живо секоја вечер околу 19 часот и емисии по вечерата за деца.

Патувајте со пријателите

Ако е можно, планирајте го вашето патување со друго семејство (или три!). Отидовме со пријатели чии деца се на иста возраст како нашите и одат во исто училиште и тоа беше задоволство за сите. Децата имаа другари и многу подобро се однесуваа на оброците бидејќи не им беше досадно. Постарите деца можеа да се дружат малку понезависно и на сите веќе ни беше толку удобно еден со друг. Помеѓу нашите семејства имавме сè што ни требаше, од грицки и кремпви за сончање до пелени и марамчиња.

Заборавете на носење ужини

Спакувавме некои од омилените закуски на нашите деца за во авионот и за во собата, но не сакав да ги оптоварам нашите торби со колачиња кои ќе траат една недела, па затоа имавме приоритет да откриеме каде се опциите за ужина околу хотелот за да можеме секогаш да зграпчиме нешто набрзина. Нашето одморалиште имаше апликација која ги оцртуваше сите места за добивање храна и пијалаци, што многу ни помогна. Ми се допадна што можев да понудам мешавина од поздрави опции за ужина и задоволства. Да, нашите деца јадеа сладолед барем еднаш дневно, но секојдневно штедевме, а базенот беше составен дел и од смути-бар, така што децата имаа на дофат и многу овошје и зеленчук.

Не мора да земете апартман

Резервиравме во последен момент и немаше достапни апартмани, па моравме да се одлучиме за соба со стандардна големина. Но, мило ми е што функционираше сѐ и на овој начин. Искрено, тоа што ние четворицата бевме во една соба воопшто не беше проблем. Нашата ќерка беше во креветче, нашиот син го зеде каучот на извлекување и тоа значеше кревет со нормална големина за мене и мојот сопруг. Единствениот проблем беше тоа што сите моравме да лежиме во темница за време на дремката, но откривме дека добро ни дојде пауза од сонцето, па или дремевме или читавме книги, што всушност беше многу релаксирачко. Плус, имавме и балкон.

Забележете ги кодексите за облекување на рестораните пред да одите

Одморалиштата што се грижат за семејствата можеби сè уште имаат дрес код. Често тоа значи ракави или јаки за мажите и се разбира панталони, здолништа или фустани за жените. Имаше 13 ресторани во нашето одморалиште, почнувајќи од луксузен суши-бар и стек-ресторан до секојдневен ресторан и шведска маса, но за сите беа потребни обувки и, барем, нешто што го покрива вашиот костим за капење. Малку се дотерувавме навечер, а тоа го правеа и нашите деца, што беше забавно по годините неодење во ресторани поради пандемијата.

Проверете го распоредот на детскиот клуб

Добивме жешка дојава од друго семејство дека детскиот клуб подразбира јавање коњи на плажа, бесплатно, но мораше да се застане во ред во одредено време за да се регистрирате. За малку ќе заборавевме, но успеавме навреме да ги заземеме последните две места на листата! Затоа, дури и ако вашите деца не одат во клубот секој ден, проверувајте редовно за да видите кои посебни активности се на списокот и кога можете да се пријавите.

Спакувајте пластични кеси

Светиот грал на семејните патувања се пластичните кеси со различни големини и видови. Влажните костими за капење ги фрлите во торбата на плажа? Спакувајте ги. Лабави боички што треба да ги носите на вечера со боенки? Спакувајте ги. Шведска маса за појадок со печива совршена за утрински закуски? Во кеса и во торба. Исто така, може да ви се најдат и за пакување свежо овошје и колачи.

Понесете повеќе кремови за сончање

Не сакате да морате да купувате едноставни работи како капи и кремови за сончање во неверојатно прескапата продавница за подароци. Донесете дополнителна капа за секое дете и неколку дополнителни шишиња крем за сончање, бидејќи капите лесно се губат и видов како малото дете на мојата пријателка истури цело шише со крем за сончање на ногата. Ах, спомени. Донесовме и неколку книги за мали активности, боички и играчки за да ги задржиме нашите деца зафатени навечер или покрај базенот. И носевме комплети играчки за плажа со лопатчиња и кофички.

Најдете малку време за себе

Направете договор со вашиот партнер дека секој од вас ќе добие малку време за себе. Ова може да значи прошетка на плажа за време на дремката или чаша вино во ресторан. Поминав една ноќ надвор со други мајки од одморалиштето, а мојот сопруг го направи истото со друг татко. Беше освежувачко да се ужива дури и на само неколку часа од одморалиште, подалеку од моето семејство, кое го сакам, но малото отсуство сигурно прави да ви биде подобро.

Автор: Џесика Полак

Извор