Ако размислувате да забремените, а имате мултиплекс склероза (МС), разговарајте со вашиот лекар. Заедно можете да одлучите дали да ја приспособите вашата терапија или да направите други промени во вашиот третман или начин на живот.

Менструален циклус

Кога имате менструација, можеби сте забележале дека симптомите на МС се влошуваат за време на вашиот предменструален циклус. Употребата на континуирани орални контрацептиви може да помогне да се стабилизираат овие симптоми.

Контрацепција

Се чини дека сите методи на контрацепција се безбедни за употреба кај МС. Сепак, некои орални контрацептиви може да ја попречат ефикасноста на лековите што ги земате за лекување на вашите симптоми и обратно. Вашите симптоми на МС може да го отежнат користењето на бариерните методи на контрацепцијата, како што се цервикална капа или кондомите. Реверзибилните контрацептиви со долго дејство се особено ефикасни и немаат трајни ефекти врз плодноста. Вашата овулација и менструација треба да се обноват брзо откако ќе се отстранат контрацептивните средства. Разговарајте за опциите за контрола на раѓање со вашиот лекар.

Зачнување

Ограничените студии покажале дека некои третмани за плодност, како што е вештачкото оплодување, може да го зголемат ризикот од рецидив. Меѓутоа, поголемите, поновите студии, во кои учесниците поактивно управувале со своите симптоми со ДМТ (диметилтриптамин), не откриле зголемување на релапсот со употребата на третманите за плодност. Истражувањата се во тек и веројатно ќе следуваат поконкретни препораки.

ДМТ и планирање на семејството

Иако американската Агенција за храна и лекови (ФДА) не одобрила ниеден ДМТ за употреба за време на бременост или доење, постојат упатства за нивна употреба во текот на овие периоди кои се развиваат. Често на луѓето со МС кои забремениле не им е потребен ДМТ. Одлуката дали да престанете да користите ДМТ зависи од безбедноста на лекот, ризикот од прогресија и вашите преференции. Разговарајте со вашиот лекар при процесот на планирање на семејството, за да донесете правилни одлуки за вашите третмани.

Лековите што имаат познати ризици вклучуваат терифлуномид, натализумаб и лекови од истата класа, како и финголимод. Дополнително, се покажало дека диметил фумарат и алемтузумаб имаат нејасни, но веројатни ризици. Набљудувачките студии ја поддржуваат релативната безбедност на инјекции ДМТ (глатирамер ацетат, интерферон-бета) за употреба во бременост. Некои лекари ќе дозволат употреба на овие средства до зачнувањето. ФДА предупредува дека бременоста треба да се избегнува за време на третманот со терапии кои ги осиромашуваат Б-клетките (на пример, окелизумаб) и 6 месеци по прекинот на терапијата.

Терапиите што ги осиромашуваат Б-клетките имаат долготрајни ефекти и имаат потенцијал да го намалат ризикот од воспалителна активност за време на бременоста, дури и кога третманот е прекинат пред зачнувањето. Затоа, некои лекари ќе дозволат употреба на овие средства до зачнувањето. Разговарајте со вашиот доктор и акушер или акушерка за ризиците од запирање на вашиот ДМТ, или продолжување за време на бременоста.

Симптоми на МС кај жени за време на бременоста

Некои од вашите симптоми на МС, како што се замор или проблеми со мочниот меур и дебелото црево, може да се влошат за време на бременоста. Доколку имате проблеми со рамнотежата или подвижноста, тие може да бидат поизразени кон крајот на бременоста, со дополнителната тежина од бебето. Дополнително, некои од лековите што се користат за лекување на симптомите на МС – како што се некои антидепресиви, лекови против спазам и лекови за контрола на мочниот меур – може потенцијално да му наштетат на бебето. Може да размислите за други стратегии за третман, како што се когнитивна бихевиорална терапија или терапија за рехабилитација. Разговарајте со вашиот лекар за вашиот план за лекување, за да одредите дали и какви промени треба да се направат за време на бременоста.

Рецидиви

Ризикот од повторување за време на бременоста е обично низок. Се верува дека промените во имунолошкиот систем – за да се спречи телото да го отфрли фетусот, придонесуваат за помало воспаление, помала активност на МС и помалку рецидиви.

Ако почувствувате тежок релапс по првото тримесечје од бременоста, вашиот лекар може да размисли за кратка примена на кортикостероиди. Размената на плазма за тешки релапси, исто така, може да биде безбедна за време на бременоста, иако податоците се ограничени.

Породување, доење и нега по породувањето

Нема докази дека МС доведува до зголемен број спонтани абортуси, мртвородени деца или вродени аномалии. Неколку студии на голем број жени постојано покажуваат дека бременоста, породувањето и инциденцијата на фетални компликации не се разликуваат кај жените што имаат МС од жените што ја немаат.

Веројатно нема да ви треба посебна грижа за време на породувањето. Сите форми на анестезија се сметаат за безбедни за луѓето кои живеат со МС. Во зависност од вашите симптоми, лекарот може да препорача одредени положби, лекови или други приспособувања за да го направат вашето породување поудобно. Разговарајте за вашите симптоми и план за раѓање и со вашиот лекар за МС и со вашиот гинеколог.

Автор: Јасна Дреновац

Извор