За разлика од примарната неплодност, која се дијагностицира ако жената никогаш немала завршена бременост, секундарната неплодност ја означува неможноста да се постигне бременост по барем една претходна бременост. Иако е доста честа појава, секундарната неплодност е тема за која сè уште ретко се дискутира.
Според Клиниката „Мајо“, овој тип неплодност може да биде предизвикан од различни проблеми, вклучувајќи:

-оштетување на јајцеводите што го спречува патувањето на јајце-клетката до матката, проблеми со овулацијата
-лузни на ендометриозата каде што ткивото што ја обложува внатрешноста на матката расте надвор од матката на другите карлични органи
-одредени состојби на матката како што се фиброиди или аденомиоза
-компликации поврзани со претходната бременост или операција
-промени во одредени ризик-фактори како што се возраста, телесната тежина или употребата на одредени лекови.

Имајќи предвид дека повеќето парови не го очекуваат тоа, секундарната неплодност може да биде многу изненадувачка и особено стресна. Експертите објаснуваат дека е неопходно да се побара помош од лекар доколку барем една година се обидувате да забремените безуспешно, а за паровите над 35 години се доволни шест месеци.

Извор