Децата брзо растат и додека да трепнете, треба да купите нова облека и нови обувки, доколку немате кој да ви позајми, ќе треба да одвоите поголема сума за да ја обновите неговата гардероба. Кога ќе се земе предвид дека поквалитетните детски чевли чинат речиси исто колку и за возрасните, а децата едвај ја поминуваат сезоната, навистина станува прашање колку пари треба да одвојуваат родителите секој месец. И дали спаѓате во групата на оние што се обидуваат да најдат начин да заштедат со купување во аутлет или во поевтини продавници.

На социјалната мрежа „Твитер“ една мајка раскажа што ѝ се случило во продавница и отвори тема за тоа каде и како да се купат детски обувки и облека, без да ѝ се „суди“ за тоа.

„Купувам чевли за мало девојче, а продавачката ми вели: Госпоѓо, тие модели се од лани, од оваа година се на другата страна. Ок, велам, но овие се поевтини. Да, но тие се од минатата година, продолжува таа. Ок, велам, ништо, ќе купам од ланските, па нека ја исмејуваат другите двегодишни деца“, напишала таа во својот твит.

Kupujem maloj cipele, prodavačica: gospodjo, to su modeli od prosle godine, od ove godine su na drugoj strani. Ok, kazem, ali ovi su jeftiniji. Je, ali su modeli od lani, nastavlja. Ok, kazem, ništa, kupit ću joj ove od lani pa nek joj se rugaju drugi dvogodišnjaci. ?

— Natasa Zecevic (@natasazecevic) September 21, 2022

Оваа објава отвори полемика меѓу родителите дали треба да купат детска гардероба и чевли од новата колекција или да бараат поевтина верзија во продажните места или поевтини продавници.

Извор