Врз успехот на децата во голема мера влијае родителството и начинот на кој родителите ги учат и водат своите деца, уште од мали нозе. Се смета дека родителите на многу успешните деца споделуваат одредени заеднички карактеристики поврзани со начинот и методите што ги користат за воспитување. Овие карактеристики се фокусираат на емоционалниот, социјалниот и интелектуалниот развој, истовремено обезбедувајќи и материјална поддршка.

Фокусирани се на образованието

Родителите на успешни деца му придаваат големо значење на образованието и уште од мали нозе им влеваат на децата страст за учење. Тие активно учествуваат во образовното патување на нивните деца, ја поттикнуваат нивната љубопитност и создаваат динамична средина дома. Ги охрабруваат децата да истражуваат сè што ги интересира, со цел да стекнат широко знаење.

Поставуваат високи стандарди

Покрај тоа што се фокусирани на образованието, родителите на успешните деца поставуваат високи стандарди и обезбедуваат корисни насоки за нивните деца. Ги поттикнуваат да се стремат кон успех и големи работи во животот, бидејќи веруваат во нивниот потенцијал. Покажувањето доверба во децата и поставувањето реални цели за нив, може да им помогне да бидат успешни во иднина.

Воспоставуваат одговорност и дисциплина

Успехот се заснова на дисциплина, а родителите кои уште од мали нозе им ја всадуваат оваа карактеристика на своите деца им помагаат да станат успешни. Родителите можат да постават домшни правила како што се време за будење, време за вечера и време за играње. Применувањето на дисциплина ќе обезбеди основа за силна работна етика и издржливост, всадувајќи ја кај децата вредноста на одговорноста и напорот.

Ги охрабруваат децата да се вклучат во воннаставни активности

Важно е родителите да поттикнуваат рамнотежа во животот на нивните деца. Покрај учењето, децата треба да се охрабруваат да се вклучат во воннаставни активности, како што се спорт, музика или волонтирање. Ваквите дополнителни активности ќе ги научат децата да имаат исполнет ден и да не поминуваат време исклучиво на учење, бидејќи имаат можност да се одморат додека прават нешто што ги интересира.

Го поттикнуваат развојот на емоционалната интелигенција

Развојот на социјалните и емоционалните способности кај успешните деца е главен приоритет на родителите, бидејќи емоционалната интелигенција е значаен индикатор за успех во животот. Нивната способност да преговараат во односите и да се соочуваат со предизвици со упорност и благодат е олеснета со нивното учење за емпатија, самосвест и ефективна комуникација со другите.

Претставуваат добар пример за децата

Децата често го имитираат она што го прават нивните родители. Примерот што родителите им го даваат на своите деца може да има најголемо влијание врз нивните достигнувања. Таквите родители им покажуваат на своите деца како да живеат со упорност, чест и оптимизам и ги поттикнуваат своите деца да сонуваат големи соништа и да го постигнат својот целосен потенцијал, со тоа што ќе им бидат добри примери.

Ја поттикнуваат нивната независност

Децата ќе го поминат целиот свој живот во нивната комфорна зона, доколку од мали не се охрабруваат понекогаш да преземат малку ризик. Родителите треба да ги охрабруваат своите деца да решаваат проблеми и да размислуваат критички на млада возраст. Исто така, треба постепено да се учат на домашните работи, готвење, лична хигиена и чистење, навики од кои ќе имаат корист на долг рок.

Родителите на успешни деца ја поттикнуваат нивната самодоверба и независност и им дозволуваат да се обидат сами да сфатат како да решат некој проблем.

Извор