Повеќето луѓе постојано ви кажуваат дека едноставно мора да имате дете. Иако не мислам дека секој мора да има деца за да живее исполнет, богат и прекрасен живот, тоа што имам свои ми го направи животот неизмерно подобар од сите причини што сите секогаш ги кажуваат. И покрај тоа, има придобивки што никогаш не сум ги ни замислувала дека доаѓаат од тоа што сум станала родител.

Неодамна, една корисничка на „Редит“ го прашала одборот за родители на страницата кои се неочекуваните придобивки од децата, а коментарите беа полни со многу слатки – и точни – одговори.

Почитување на вашето внатрешно дете

-Една придобивка што ја забележав е можноста повторно да се однесувате како дете без луѓето да ве осудуваат – одговорил друг корисник.

Други брзо истакнаа дека гледањето на светот низ очите на вашите деца е посебен вид магија. Одеднаш, празниците и новите искуства добиваат нова возбуда и радост.

Бесплатни гушкања

Секако, нема да ги прегрнуваме и бакнуваме децата против нивна волја, но најчесто тие се многу среќни што ве оставаат да ги сакате и токму таму се ослободува неспоредлив допамински удар.

Секогаш сте добро снабдени

Ова започнува кога се бебиња и им треба сè од вас во секое време – марамчиња, пелени, облека, грицки – и продолжува за цел живот. Родителите брзо учат дека нема ништо што ќе го уништи денот како неподготвеноста.

Деца = помошници

-Имањето дете понекогаш го олеснува дружењето и запознавањето нови луѓе – забележал друг корисник.

И вистина е! Помеѓу часовите „Мама и јас“, игралиштата, градинките, училиштето и друго, корисниците на „Редит“ се согласија дека децата имаат дарба да ги зближуваат луѓето.

Секако, без разлика колку години ќе наполнат, чудата со нив никогаш не престануваат…

Автор: Џејми Кини

Извор