Родители ги искористуваат влијателните деца за да заработат пари на социјалните мрежи, а тоа има доживотни последици, предупредуваат застапниците на британскиот Парламент во објавениот извештај.

Комитетот за дигитални, културни, медиумски и спортски активности спровел истрага за културата на инфлуенсерите и открил примери на деца-инфлуенсери кои добиле закани за киднапирање, а претрпеле и малтретирање, што оставило последици врз нивното ментално здравје. Во извештајот се заклучува дека децата инфлуенсери се изложени на ризик од експлоатација и дека има „неприфатливо ниски стапки на усогласеност со правилата за рекламирање“ на социјалните мрежи.

Комитетот, исто така, открил дека порастот на културата на инфлуенсерите открива голем број регулаторни недостатоци – особено во однос на рекламирањето и заштитата на децата, без разлика дали се инфлуенсери или гледачи. Затоа ја повикале Владата да го зајакне законот за работни односи и регулативата за рекламирање.

Негативни ефекти врз развојот на детето

Во извештајот се наведува и дека сведоците се загрижени дека некои деца се користат од страна на родителите и членовите на семејството за да заработат пари.

– Како и кај другите влијателни лица-инфлуенсери, монетизирањето на профилот на успешните инфлуенсери може да биде примарен извор на приход за семејството. Добро е познато дека славата на млада возраст може да има штетни ефекти врз развојот на детето. Не е истражено точното влијание на славата на социјалните мрежи. Сепак, постојат докази дека славата на социјалните мрежи може да има сериозни психолошки последици – се вели во заклучокот.

Комитетот истакнал уште една темна страна на културата на инфлуенсерите: „Објавувањето содржини за деца на интернет може да влијае врз нивната приватност, што носи безбедносни ризици. На пример, известувањето за настани на социјалните мрежи или објавувањето фотографии од домот на детето може да ја открие нивната локација“.

Ризик од онлајн експлоатација

По објавувањето на извештајот на комисијата, пратеникот Џулијан Најт рекол дека иако културата на инфлуенсери носи нови можности за креативните индустрии, постои опасност влијателните луѓе и нивните следбеници да бидат експлоатирани. „Гледачите-деца главно сè уште ја развиваат дигиталната писменост и затоа ваквите содржини се особено опасни за нив, бидејќи не се свесни дека ова е средина во која не е сè како што изгледа“, истакнал тој.

Со оглед на тоа што Комитетот е загрижен дека недостигот на акција на растечкиот пазар на инфлуенсери ќе доведе до експлоатација на уште повеќе деца, се препорачува Владата итно да го реши прашањето за законот за детскиот труд.

Владиниот портпарол коментирал дека зачувувањето на децата е приоритет, поради што тие работат на решавање на проблемот.

Извор