Родители и наставници ги издвоиле најлошите модерни родителски стилови
Од родители до наставници, многу луѓе искрено зборуваат за она што го сметаат за најлошиот родителски стил на воспитување деца. Оваа тема била покрената на платформата „Редит“, а одговориле над 40.000 луѓе. Некои од нив велат дека има:
Претерано заштитнички стил
„Јас и мојата сопруга им дозволуваме на нашите деца да возат велосипеди низ нашиот мирен град каде што стапката на криминал е ниска“, напишал еден корисник. „Еднаш еден родител отворено ми кажа дека нема да дозволи неговиот син да дојде кај нас без придружба затоа што можам да направам нешто лудо, на пример, да ги оставам децата да играат кошарка пред мојата куќа без мој надзор“.
Оптоварување на децата со многу активности
Коментирале и многу наставници, кои истакнале дека родителите не треба да ги запишуваат своите деца на премногу активности во текот на неделата. „Преувеличување и акумулирање премногу активности“, вели еден наставник.
Објавување детали за детето на социјалните мрежи
Според многу корисници на „Редит“, деталите за детето не треба да се објавуваат на интернет. „Премногу споделувате работи за вашите деца на социјалните мрежи“, напишал корисникот. „Сликата од изметот на малиот Џони во тенџерето не е симпатична, одвратна е. Не би ставиле слика од сопствениот измет во тоалетот, нема разлика што произлегува од 2-годишно дете“. „Гледам многу мајки на Фејсбук како споделуваат премногу информации за своите малечки“, додала друга корисничка. „Како, кога и каде одат на училиште, на лекар, нивните имиња, родендени и адреси, одбележување на нивните градинки додека се таму итн. – зарем само јас мислам дека ова е играње со оган?“
Балансот е важен
Кога станува збор за родителството, многумина забележале дека секој родител има свои правила и стратегии. Сепак, еден корисник на „Редит“ истакнал дека создавањето рамнотежа помеѓу „границите“ и „правилата“ може да направи разлика.
„Некако забележувам тренд кај родителите кои претерано ги контролираат своите деца или се премногу опуштени и не поставуваат граници“, напишал тој. „Поентата е да се најде златна средина за детето за да може да научи што може и што не може да прави, а истовремено да има почит и да биде љубезно кон другите“.
