Има некои работи поради кои родителот се гордее со своето дете, а има и работи што се доказ дека сме направиле нешто како што треба за да можеме да бидеме горди на нашето воспитување. Меѓутоа, бидејќи не сме сите исти, не ги воспитуваме децата на ист начин, не се гордееме со истите работи и не сме импресионирани од истите резултати од воспитувањето на нашите деца.

Рис Витерспун неодамна доживеала таков момент и го споделила на „Инстаграм“. Имено, таа споделила симпатична приказна за едно ноќно излегување со своите деца, па покажала колку е горда што ги доживеала резултатите од нејзиното воспитување. Витерспун, инаку, има три деца – 25-годишната ќерка Ава и 21-годишниот Дикон Филипе со поранешниот Рајан Филипе и 12-годишниот Тенеси со поранешниот Џим Тот.

За време на излегувањето, како што раскажува Витерспун во нејзината приказна, нејзината пријателка ги прашала нејзините синови дали има лекција што им ја всадила мајка им што тие „секогаш ќе ја паметат“. Еден од синовите одговорил дека нивната мајка секогаш им велела дека ако имаат избор помеѓу нормално и чудно, секогаш треба да избираат чудно и дека е во ред да се истакнуваат и да се разликуваат.

Витерспун рекла дека нејзиното срце било исполнето со длабока радост затоа што го усвоил тоа од неа.

-Ми значеше толку многу што моите деца знаеја дека е во ред да се биде поинаков и дека тоа всушност може да стане нивна суперсила – додала актерката.

Витерспун изјавила дека е инспирирана да ја објави оваа приказна од изјавата на актерката Ејми Лу Вуд, која неодамна рекла дека токму тоа го одбележало нејзиниот живот:

-Поминав голем дел од мојот живот грижејќи се да не бидам чудна, а сега сфаќам дека тоа би можело да биде мојата супермоќ – истакнала Ејми Лу Вуд.

Иако децата на симпатичната Витерспун можеби се сеќаваат на животните лекции што ги научила како мајка, тие се нешто помалку импресионирани од нејзините актерски вештини. Таа на почетокот од годинава открила дека нејзините три деца избегнуваат да ги гледаат нејзините филмови и дека не мислат оти е многу смешна.

-Синоќа син ми буквално ми кажа дека не знаел оти заработувам зашто сум смешна. Тој рече: „Немав поим. Дома си смешна – на некој начин“ – изјавила актерката.

Автор: Наташа Крстичевиќ

Извор