На денешен ден е роден Ричард Фајнман – најголемиот ум по Ајнштајн!

Да се објасни науката на едноставен, упростен и притоа многу забавен начин е умешност што ја имаат малкумина. Можеби единствен меѓу нив кој успева да ја популаризира физиката и да ни ја прикаже науката на позабавен начин е големиот американски физичар Ричард Фајнман, познат и како најголемиот ум по Ајнштајн.
Роден на 11 мај 1918 година, Фајнман е познат по неговите шеги поврзани со сложените концепти на науката. Истовремено е и редок пример на научник кој на многу едноставен начин успева да ги презентира и објасни сите комплицирани проблеми што ги содржи науката. Токму преку уникатниот начин на предавање и пренесување на фактите, тој се труди да ја популаризира физиката, во што и успева. Неговите предавања стануваат рекордно посетени, а неговите книги се извор на инспирација и ден-денес.

Една од неговите најпродавани книги е „Сигурно се шегувате, господине Фајнман“.
Да се напишат сите достигнувања на Фајнман, потребен е многу простор. Но она што најдобро ја истакнува неговата големина е:
• Нобеловата награда за физика за „ренормализација“ на квантната електродинамика
• Тој е основоположник на квантниот сметач
• Фајнман е еден до главните научници вклучени во развојот на атомската бомба за време на Втората светска војна
• Станува многу популарен како дел од научниот тим кој ја истражувал несреќата на вселенскиот шатл „Челинџер“
• Добива перфектен резултат на влезните тестови по математика и физика на познатиот универзитет „Принстон“, што е своевиден преседан тогаш.

Необична генијалност

Она што го прави Фајнман необичен е фактот што секогаш се трудел да ја види едноставноста на сите комплицирани нешта околу него. Сведоштвата за него покажуваат дека тој не бил способен да реши нешто сѐ додека не го сфати до најситните детали. Од друга страна, не останувал мирен ако откриел нешто, а не можел да го разбере.
Една интересна анегдота поврзана со неговото детство е дека тој со олеснување го прифатил фактот дека Дедо Мраз не постои. Според многумина, Фејнман имал необична способност да го бара очигледното и да го цени тоа.

Лекции што ни ги пренесува Фајнман преку неговите книги

Освен големите откритија во светот на физиката, Фајнман остава и лекции кои наоѓаат примена во секојдневниот живот. Доколку сакате да слушнете дел од советите што доаѓаат од овој гениј, подолу издвојуваме дел од најпознатите:
1. Работете напорно. Дисциплината е од суштинско значење за совладување на вашиот занает. Потребни се години за да се научи.
2. Што мислат другите за вас, не е ваша работа. Не расејувајте се од мислењата и шпекулациите што доаѓаат од другите. Фокусирајте се на вашата работа.
3. Во ред е да ги немате сите одговори. Лидерите не знаат сè. А кога ќе дознаеш колку знаеш, сфаќаш дека никому не му е грижа. Никој не сака луѓе што се фалат.
4. Експериментирајте, погрешете, научите и почнете одново. Лидерството често е прашање на експериментирање. Лидерите ги базираат одлуките на претпоставки за кои веруваат дека се точни. Ако резултатите не се еднакви на очекувањата, важно е да се обидете повторно.
5. Знаењето доаѓа од искуството. Нема срам во неуспехот; срамот доаѓа од непочитување на лекциите научени од неуспехот.
6. Имагинацијата е важна. Лидерите треба да направат луѓето да се чувствуваат безбедно кога размислуваат за големи работи. Охрабрете ги луѓето да ги следат идеите како нешто што додава вредност за благосостојбата на сите.
7. Работете го она за што имате најголем интерес. Тимовите одат напред само кога целите ги инспирираат. Стремежот кон големи цели е вистинит во спортот исто како и во животот. Размислувајте големо, дејствувајте уште поголемо.
8. Останете љубопитни. Љубопитноста ја одржува свежа имагинацијата на лидерот. Љубопитниот лидер е ангажиран во потрагата по знаење кое ќе го примени за справување со проблемите на кои им е потребно решение.

Затоа во нашите IQ UP! училишни центри децата учат преку уникатната методологија за СТЕМ едукација која ги вклучува сите важни аспекти на развојот на детето, вклучувајќи ги критичкото размислување, решавањето на проблеми и експериментирањето. Преку оваа методологија децата научуваат да работат напорно и да имаат дисциплина и да се фокусираат на својата работа. Исто така, учат да не се срамат од неуспехот, туку да го користат како можност за учење и да го почитуваат искуството и знаењето што го добиваат. Конечно, учат да останат љубопитни и да се ангажираат во потрагата по знаење кое ќе им помогне да се справуваат со проблемите на кои им е потребно решение.

(Комерцијална објава)