Секогаш кога се приближува Супер боул, многу луѓе се подготвуваат на различни начини, а меѓу најважните моменти се рекламите кои често бараат огромни суми на пари. Меѓу големиот број реклами со познати личности, оваа реклама на „Гугл“ не само што го привлече нашето внимание, туку и допре до срцата на сите гледачи, особено затоа што се однесува на родителството и љубовта што таткото ја има кон своето дете.

Во рекламата за „Гугл пиксел 9“, еден татко ја користи вештачката интелигенција за да се подготви за важно интервју за работа. Сепак, наместо да зборува за професионалниот живот, тој зборува за својот најважен проект – татковството.

Таткото зборува за работите што ги научил додека ја воспитувал својата ќерка, користејќи деловни фрази, но притоа го гледаме како се грижи за неа. Од учењето да прифаќа конструктивна критика кога ќерката одбива храна до развивањето вештини за мултитаскинг додека истовремено се грижи за неа и разговара на телефон.

– Ги немам секогаш сите одговори, но секогаш го завршувам она што треба да го направам, без разлика на тоа колку време ми е потребно – вели тој, присетувајќи се како пребарувал на интернет за да научи како да му објасни на своето дете што е буллинг.

Рекламата покажува како таткото ги усовршува своите преговарачки вештини со ќерка си за време на подготовките за Ноќта на вештерките и како завршил тренинг за учење на тик-ток танцови движења за да остане во чекор со младите.

– Ме мотивира тоа што луѓето можат да се потпрат на мене и тоа што и јас можам да се потпрам на нив – завршува таткото.

Извор