Ако имате четиримесечно бебе и се прашувате зошто сè уште не спие или зошто сте постојано сите будни, имаме новости за вас! Добре дојдовте во регресијата на спиењето од 4 месеци.
Штотуку воспоставивте рутина пред спиење и хранење, задоволни сте со сè што сте направиле, но еве – повторно не функционира. Не грижете се, регресијата на спиењето е типична за сите бебиња и трае до околу една година возраст. И не е страшно.
Што подразбира регресијата на спиењето од 4 месеци?
Типичната регресија на спиењето од 4 месеци значи дека ноќниот сон на вашето бебе станува пократок и понекогаш се прекинува со многу често будење. Додека дневниот сон станува подолг. Бебињата често се бунат навечер, додека на попладневните дремки заспиваат како од шега.
Што да се прави?
Иако ќе бидете фрустрирани од регресијата на спиењето на вашето бебе, не менувајте ништо во неговата дневна и ноќна рутина. Бебето е веќе навикнато на тоа што го правите, само му треба мала помош.
Затемнете ја просторијата
Четиримесечните бебиња веќе имаат дневен и ноќен ритам кој во голема мера зависи од дневната светлина. Така, кога е ден, тие се будни, а кога е ноќ, спијат. Ако се борите со спиењето навечер, препорачуваме да ја затемните просторијата што е можно повеќе.
Држете се до рутината
Рутината е спас во секоја криза, а бебето до една година ќе има уште две регресии на сонот. Секоја вечер повторувајте го она што сте го правеле претходната вечер, така што вашето бебе ќе се чувствува безбедно и ќе знае што да очекува.
Свеж воздух
Иако четиримесечните бебиња не се толку активни и не се уморуваат многу, тие сепак се уморни.
А што е одлично за уморно бебе? Свеж воздух! Така е. Прошетајте со вашето бебе попладне или рано навечер, извадете го на свеж воздух за да го освежите, а потоа однесете го дома на бања и дремка.
Следете ги сигналите
Внимавајте на знаците дека вашето бебе е уморно. Некои бебиња плачат и стануваат многу немирни, други ги тријат очите и лицето, додека некои бараат постојано да бидат во вашите раце. Следете ги сигналите што ви ги дава вашето бебе и наскоро ќе можете да ги предвидите.
Бидете брзи
Ако се борите со ноќните будења, размислете за вашето темпо и што правите додека вашето бебе чека да го смирите. Дали палите светло? Дали шушкате во ходникот?
Обидете се да подготвите сè за да бидете спремни да го пречекате бебето и што помалку да го симулирате со звуци и светла.
Скок во развојот
Бебето ќе доживее регресија на сонот веднаш по развојниот скок околу третиот месец. А тоа значи дека најверојатно ќе биде погладно од вообичаено. Дајте му да јаде, најадено бебе е среќно бебе.
912