Да се биде родител е тежок предизвик, но да се биде самохран родител е уште потежок. Тие треба сами да се справуваат со сите одговорности, од воспитување и грижа за децата до работа и одржување на домот, без дополнителна поддршка.

Сепак, тоа што го прави нивниот живот уште покомплициран се некои невнимателни и непотребни коментари од околината. Ако навистина ги почитувате самохраните родители, избегнувајте ги следниве реченици.

„Разбирам како ти е, мојот партнер често патува од работа“. Не, тоа не е исто. Да имаш партнер што патува и да немаш партнер се две сосема различни ситуации.

„Се обидовте ли да го спасите бракот?“ Како да не! Побарав развод уште по првата кавга за нечистите садови.

„Кутрите деца, растат без модел на татко/мајка“. Помеѓу дедовци, вујковци, тетки, учители и други значајни личности во нивниот живот, верувајте, ќе бидат добро.

„Штета, на секое дете му требаат и двата родители“. Дали ова би им го рекле и на родителите што го изгубиле својот партнер?

„Сигурно ти е убаво да имаш одмор од децата одвреме-навреме“. Да, одлично е да ги гледам како плачат бидејќи мораат постојано да менуваат домови.

„Барем не мораш да се расправаш со партнерот“. Верувале или не, разделените партнери сепак можат да имаат несогласувања.

„Твоите деца сигурно ќе имаат проблеми во идните врски“. Извинете, не забележав дека држите кристална топка. Кажете ми нешто повеќе за иднината на моите деца.

„Како финансиски излегуваш на крај?“ Со многу работа, труд и организираност – како и секој друг родител.

„Ајде и ти сега, не претерувај. Да се биде самохран родител и не е толку тешко“. Навистина? Повели, пробај!

Извор