Неверојатно е колку детската коса може да предизвика реакции и мислења, речиси како политичка дебата.

Многу родители се соочуваат со предизвикот како да го воспитаат своето дете во општество полно со стереотипи. Освен воспитувањето, тука е и прашањето за изгледот – момчињата „треба“ да имаат кратка коса, а долгата коса „е резервирана“ само за девојчиња.

Рошан Медоус-Фернандез е мајка на двегодишно момче и решила да не му ја стриже косата. Воопшто не претпоставувала со какви реакции ќе се соочи поради оваа одлука.

„Твојата ќеркичка е толку слатка!“

Јасно ми е дека на оваа возраст типичните родови карактеристики не се изразени. Мојот син нема мустаќи, ниту пак телесна градба како неговиот татко. Искрено, само изгледа како дете.

Но зошто луѓето велат „толку е слатка“ баш во моментот кога носи маичка со натпис „малото маже на тато“?

„Реков така затоа што изгледа како девојче“

Кога ќе ги поправам луѓето, најчестиот одговор што го добивам е: „Мислев дека е девојче затоа што е многу убав“. Добро, но што значи тоа? Зарем момчињата не можат да бидат убави?

Не можам да сфатам како некои сè уште размислуваат според застарени родови норми наместо да прифатат дека момчињата можат да имаат долга коса и можеме да кажеме дека се убави.

„Може ли да го допрам?“

Нашите деца не се миленичиња. Никогаш не прашувај ме дали можеш да му ја допреш косата, освен ако не сакаш да се соочиш со мојот „внатрешен црн пантер“.

„Ќе биде вистинско момче кога ќе ја истриже косата“

Тој има само две години – нема да изгледа како „големо момче“ без разлика на должината на косата. Знаете зошто? Затоа што е мало дете. Малите деца имаат буцкасти лица и тела што сè уште се развиваат. Не морам, ниту пак сакам, да го забрзам тој процес.

„Кога ќе го истрижеш?“

А кога ти ќе ги платиш казните за паркирање? Кога последен пат беше на забар? Не ти се допаѓа кога некој ти поставува лични и непотребни прашања, нели? Истото важи и за косата на мојот син. Таа е чиста, уредна и изгледа како косата на секое друго двегодишно дете.

Коментарите за косата на моето дете се исто толку несоодветни како прашањата за нечија тежина или стил на облекување. Тоа не е твоја работа, затоа немој да се заморуваш со тоа.

Извор