Никој не сака да размислува за развод. Но, за многумина тој е неизбежен дел од животот. Дури и ако никогаш не се разведете, огромни се шансите да имате некој во најтесниот круг на пријатели или семејство кој минува низ развод.

Ако сите се толку против самата идеја за развод, зошто тогаш толку често се случува? Иако терминот низ вековите добил негативна конотација, разводот не е нешто лошо. Напротив, тоа е здрав процес кој многу често им го подобрува животот на инволвираните страни.

Адвокатската канцеларија „Фрид маркрофт“ сака да го редефинира искуството на разводот за мајките. Преку емпатија, стратегија и поддршка, оваа канцеларија се стреми да ја промени перцепцијата за приоритетите во разводот и да се соочи со културната стигма околу него.

Под водство на Меган Фрид и тим од врвни адвокати, канцеларијата ги поддржува жените низ сложени семејно-правни процеси, помагајќи им да ја вратат контролата и да изградат посилна иднина за себе и за своите деца.

Фрид постави нов национален стандард во семејното право, трансформирајќи го начинот на кој мајките го доживуваат разводот.

Што е разводот?

Првиот забележан развод во Америка се случил уште пред да биде формирана државата. Во 1643 година Ане Кларк, жителка на тогашната колонија Масачусетс, добила развод од својот сопруг Денис Кларк. Судијата од судот во Бостон им го одобрил разводот наведувајќи „непомирливи разлики“.

Овој случај поставил правен преседан за разводите во САД, повеќе од еден век пред Декларацијата за независноста. Оттогаш правниот концепт на развод останал ист: бракот е правно обврзувачки договор и за негово официјално завршување мора да се спроведе законски регулиран развод.

Зошто има негативна слика за разводот?

Никој не сака да оди наназад. Ако на работа добиете унапредување, не сакате повторно да се симнете на пониско место. Тоа изгледа спротивно на природната човечка амбиција и го прави изминатото време да изгледа залудно потрошено.

Исто важи и за бракот. „Заблудата на залудни трошоци“ е уште посилна кога станува збор за законски врски бидејќи луѓето не сакаат да се чувствуваат како да изгубиле драгоцени години од својот живот на врска што завршила со развод. Така, со текот на времето, разводот почнал да се поврзува со неуспех. А, всушност, реалноста е сосема поинаква.

Зошто луѓето се разведуваат?

Кога сопружници ќе се разведат, тоа е така затоа што ги исцрпиле сите други можности за спас на врската. Никој не се разведува по една расправија со свекрвата или тешка вечер. Процесот бара огромна документација, формалности и време.

Разводот всушност е начин луѓето и правно и емотивно да се ослободат од брак кој повеќе не ги задоволува нивните потреби. Затоа, треба да се гледа како на нов почеток, а не како на крај. За тоа е потребна голема храброст.

Кој е најчест иницијатор на разводот?

Истражувањата покажуваат дека речиси 70 отсто од сите разводи во САД ги иницираат жени. Како што Ане Кларк ја започнала својата постапка пред неколку века, така и денес жените почесто ја носат тешката одлука за развод, со цел да создадат поздрав живот за себе и за своите деца.

Но, поради стигмата, тие често се осудувани и обвинувани. Наместо тоа, општеството треба да ги поддржува и охрабрува жените кои минуваат низ такви лични предизвици.

Извор