„Разбуди го родителот во себе: како родителството да стане уживање“ од проф. Соња Китановска-Кимовска е „методички практикум со кој авторката се впушта во најенигматичната и најблагородна мисија: воспитување на децата“, вели проф. д-р Владимир Михајловски.

– На јасен и неверојатно читлив јазик, авторката се обраќа непосредно. Примерите од личното искуство ѝ даваат посебна уникатност и шарм на книгата – вели универзитетскиот професор Силвана Нешковска.

Според д-р Олга Мурџева-Шкариќ, доктор на психолошки науки, книгата издадена од „Арс Либрис“ изобилува со применливи техники и активности што им овозможуваат на родителите непосредна позитивна комуникација со децата.