Мајките нè познаваат и нè сакаат на начини на кои никој друг (па дури ни ние самите) никогаш нема целосно да нè разбере. Затоа се вистински експерти во давањето најдобри совети за животот и љубовта. Тие нè носеле девет месеци, ни го дале животот, а во многу случаи се откажале од личните соништа и цели за да можеме ние да растеме безгрижно и среќно.

Тие се нашите најголеми поддржувачи и најискрени критичари. Повеќе од сè, сакаат да нè видат среќни и здрави, а кога ќе дојде вистинското време, и заљубени во вистинската личност. Не броеле колку пати нè подигнале кога сме биле на дното и нè поттикнале да блеснеме кога сме биле на врвот. Тие се чувари на животната мудрост и, кога станува збор за хаосот наречен љубов и врски, секогаш знаеме кому најмногу да му веруваме: на нашата мајка.

Еве некои работи за кои мајките бејби-бумери биле во право:

„Сличните птици летаат заедно“

– Мајка ми еднаш ми рече: „Сличните птици летаат заедно“. Тоа беше нејзин начин да ми каже дека ако неговите пријатели не се морални, веројатно и тој е таков. Погледни на кого се восхитува, тоа ќе ти каже каков човек е – Ана.

„Најсреќна можеш да бидеш во врска само ако си независна“

– Мојата менторка (која отсекогаш ми била како втора мајка) еднаш ми рече дека најсреќна ќе бидам во врска тогаш кога ќе бидам самостојна и финансиски независна. Така ќе бидам со некого од љубов, а не поради потреба за сигурност – Кај.

„Никогаш не дозволувај врската да ти ја наруши самодовербата“

– Мајка ми ми го повторуваше тоа сто пати, но вистински го сфатив дури по едно болно раскинување. Ми рече: „Никогаш не дозволувај врската да ти ја уништи самодовербата“. Тогаш не можев да го прифатам тоа, но подоцна сфатив колку е важно. Раскинувањето не значи дека вредиш помалку“ – Џесика.

„Ќе го видиш вистинскиот карактер на човекот кога ќе губи“

– Мајка ми еднаш ми рече дека најмногу ќе научам за некого по тоа како се однесува кога губи. Таа користеше пример со играње обична игра „махјонг“ кога ќе му се падне лоша комбинација, тогаш ќе ја видиш неговата вистинска природа. Така ќе дознаеш како се справува со тешки моменти и каков ќе биде во вистинскиот живот – Шенон.

„Не верувај му на човек кој не сака кучиња“

– Мајка ми секогаш ми кажуваше две работи кога почнав да излегувам со дечковци: „Не верувај му на човек кој не сака кучиња“ и „Како се однесува со својата мајка, така ќе се однесува и со тебе – Марија.

„Мораш прво да научиш да се сакаш себеси“

– Мајка ми секогаш велеше дека мораш прво да научиш да се сакаш себеси пред да можеш вистински да сакаш некого. И во право беше. Кога се прифаќаш себеси, љубовта станува почиста и послободна – Алекс.

„Биди со некој што те сака повеќе отколку што ти го сакаш него“

– Ова можеби звучи чудно, но сестра ми, која ми е како мајка, ми рече дека е најдобро да бидеш со некој што е барем малку повљубен во тебе отколку ти во него. Не затоа што треба да владееш, туку затоа што така се гради рамнотежа кога и двајцата вистински се цените – Елизабет.

„Треба да мисли дека си најдобрата личност на светот“

– Тетка ми ми велеше: „Личноста со која ќе бидеш треба да мисли дека си најдобрата личност на светот, исто како што и ти треба така да мислиш за него“. Тоа е најубавиот совет што сум го добила – Џени.

Извор