Многу родители мислат дека успехот зависи од природниот талент, но истражувањата покажуваат дека најуспешните деца доаѓаат од семејства кои ги учат на истрајност и позитивен однос кон грешките. Еве трите нешта што ги обединуваат таквите родители:

Го менуваат начинот на кој детето гледа на грешките

Децата со таканаречен фиксен начин на размислување веруваат дека интелигенцијата и талентот се вродени, па избегнуваат предизвици од страв да не згрешат. Но, децата со развоен начин на размислување гледаат на грешките како на шанса за учење. Родителите можат да го поттикнат тоа со охрабрување, дозволувајќи им на децата да грешат без срам и осуда.

Смирено реагираат на детските грешки

Кога родителите остро реагираат, детето почнува да се плаши од неуспех. Но ако реагираме смирено и разговараме за последиците, детето учи дека грешката е дел од процесот на учење. Така се гради самодоверба и храброст да се пробува повторно.

Им помагаат на децата да не се навредуваат себеси

По неуспехот, многу деца си велат: „Глупав сум“ или „Ништо не можам“. Наместо тоа, треба да научат самосочувство – да се однесуваат кон себе со разбирање, како кон најдобар пријател. Тоа не значи избегнување одговорност, туку прифаќање дека сите грешат и дека токму од тие моменти се учи.

Извор