Во зависност од генерацијата, детството било обележано со искуства кои денешните деца речиси и не ги познаваат. Технологијата драстично го промени начинот на растење, а многу мали, но значајни моменти останаа во минатото.

Чекање една недела за нова епизода од серија

Порано сериите се гледаа на телевизија и меѓу епизодите се чекаше цела недела. Денес, кога цела сезона е достапна одеднаш, возбудата на исчекувањето речиси исчезна.

Заеднички компјутер во домот

Повеќето семејства имаа еден „семеен“ компјутер што сите мораа да го делат. Тоа учеше на трпение и природно го ограничуваше времето пред екран.

Одење кај другарите

Децата порано едноставно одеа кај пријателите без најава. Денес дружењата речиси секогаш се договараат преку пораки и мобилни апликации.

Играње надвор без екрани

Голем дел од детството се поминуваше надвор, играјќи со другарите. Денес децата почесто се во затворен простор, што може да влијае и врз физичкото и менталното здравје.

Возбудата од телефонски повик

Ѕвонењето на фиксниот телефон носеше неизвесност и возбуда, кој ѕвони? Денес телефонските разговори се заменети со кратки пораки.

Гледање нови филмови исклучиво на кино

Одењето во кино беше посебен настан и единствен начин да се гледа нов филм. Со појавата на стриминг-платформите тоа чувство полека се губи.

Снаоѓање без „Гугл“

Домашните задачи се пишуваа со книги, тетратки и помош од родителите. Денес одговорите се на еден клик, но исчезна борбата што водеше до подлабоко учење.

Читање книги со целосно внимание

Децата порано полесно се „губеа“ во светот на книгите. Денес екранот често ја одвлекува концентрацијата и го намалува интересот за читање.

Справување со досадата

Досадата некогаш раѓаше креативни игри и идеи. Денес таа најчесто се „гаси“ со телефон или таблет.

Извор