Лажењето често се смета за најголемо предавство во врската, но најопасните лаги не се секогаш очигледни, вели психологот Џефри Бернштајн.

-Овие суптилни, подмолни измами можат полека да ги нагризат темелите на довербата, разурнувајќи ги дури и најважните врски – изјавил психологот.

Според него, ова се четирите најголеми лаги што ги уништуваат љубовните врски и можат да доведат до скршено срце.

„Сѐ е во ред“

-Оваа лага често се користи за да се избегне кавга, но всушност создава дистанца меѓу партнерите. Негирањето на вистинските чувства го оневозможува партнерот да ве поддржи и разбере, а на крајот води до емоционална разделба и потенцијална катастрофа – предупредува психологот.

„Не е толку голема работа“

Минимизирањето на сопствените чувства или постапките на партнерот доведува до незадоволство и насобрани проблеми.

-Кога малите нешта што навистина те мачат ќе се откријат, тие можат да прераснат во поголеми проблеми кои е невозможно да се решат – истакнува Бернштајн.

„Можам да ја/го сменам“

-Верувањето дека можете да го промените вашиот партнер може да доведе до разочарување. Луѓето можат да еволуираат, но промената мора да дојде однатре, а не поради очекувањата на другите луѓе. Оваа лага често резултира со фрустрација и откритие дека сте заљубени во идеализирана верзија на вашиот партнер, а не во вистинската личност – забележува психологот.

„Не треба да зборуваме за тоа“

Избегнувањето тешки разговори велејќи „не треба да зборуваме за тоа“ – е деструктивно.

-Комуникацијата е клучна за секоја успешна врска, а избегнувањето проблеми доведува до поголеми недоразбирања и емоционална дистанца. Значи, овие четири лаги полека можат да ја уништат љубовта и довербата во врската. Посветеноста на отворена комуникација е клучна за зачувување на врската. Само тогаш можете да градите љубов која е издржлива и искрена – заклучил Бернштајн.

Извор