Постојат пет научно докажани причини зошто блиската врска меѓу баба и дедо и внуците е неверојатен подарок.

Децата имаат вграден систем на поддршка

Истражување на Универзитетот „Оксфорд“ покажало дека децата блиски со баба и дедо имаат помалку емоционални проблеми и проблеми во однесувањето и подобро се справуваат со тешки животни ситуации, како развод или насилство од врсници. Баба и дедо им даваат вистинско чувство на сигурност и поддршка што им помага низ предизвиците на детството.

Разбирањето и поврзаноста со постарите генерации ја зголемуваат издржливоста на децата

Разбирањето на семејната историја и врска помеѓу внуците и бабата и дедото им помага на децата да бидат поотпорни и да чувствуваат повеќе контрола над својот живот, дури и кога светот надвор од семејството изгледа надвор од контрола.

Помалку предрасуди кон постари лица

Децата кои се блиски со баба и дедо покажуваат помалку предрасуди кон возрасни и постари луѓе. Истражување на 1.150 белгиски деца (7-16 години) покажало дека блиската врска со баба и дедо ги намалува предрасудите кон постарите генерации.

Заштита од депресија во подоцнежната возраст

Истражување од 2014 година открило дека блиската врска меѓу баба и дедо и нивните внуци е поврзана со помала веројатност за депресија како за внуците, така и за бабите и дедовците. Блиската врска им овозможува на возрасните внуци да добијат животни совети и искуство, додека за бабите и дедовците е поттик за нови идеи и активен живот.

Бабата и дедото живеат подолго

Научните истражувања покажуваат дека блиската врска со внуците е здравствена корист и за бабите и дедовците. Благодарение на нивната врска, сите имаат придобивки: децата се поотпорни, а возрасните постари лица поздрави и посреќни.

Извор