Во Основното училиште „Наум Наумовски Борче“ во Маџари неодамна беше организиран свечен настан за првачињата, кои се на самиот почеток на писменоста. На настанот присуствуваше м-р Златица Апостолов, едукатор во „Бибиверзум“ – „Светот на Биби“. Таа на интерактивен начин им покажа на најмалите ученици како се развива љубовта кон буквите и читањето.

Првачињата преку интересни содржини од „Бибиверзум“ имаа можност да следат видео за азбуката, да играат анимирани игри со буквите, да погодуваат и дополнуваат букви и зборови што недостигаа.

Преку играта „Што сум јас“ опишуваа и објаснуваа поими. Интерпретираа текст од „Букварот на Биби“, а потоа броеја зборови во речениците. Часот беше интегриран и во него беа испреплетени содржини од македонски јазик, математика и музика. На крајот првачињата играа на кореографии на песнички, а потоа им беа поделени балони на кои требаше да ги запишат првите букви од нивното име.

Фото: приватна архива