Поради дилемите во врска со исхраната на децата кои ги мачат мајките и татковците, специјалистот, професионален нутриционист и диететичар Ана Тодоровиќ ги советува родителите кои оброци се најдобро за децата во работните денови.

– За децата од основно училиште, генерално ги советувам прво да појадуваат пред да одат на училиште, дури и ако тоа е мал здрав појадок до првиот училиштен одмор. Ситуацијата е често таква што по првите два часа, децата јадат нешто од пекарница, грицки, благо или пијат газиран сок, што е апсолутно нездраво, особено за прв оброк. Дополнително, советувам на училиште децата да носат шише вода или лимонада и кутија со овошје или зеленчук. Она што треба да биде навика стекната пред да тргне на училиште е детето да има барем еден топол оброк во текот на денот, супа, месо или риба и разновиден зеленчук. Со ваквите оброци децата се посити и имаат помала желба за слатки и тесто – објаснува Тодоровиќ.

Таа истакнува дека овошјето е задолжително секој ден.

– Повремено се препорачуваат слатки, и тие треба да бидат од темно чоколадо, протеинско барче или некои здрави интегрални бисквити. Исто така, ги советувам родителите да изберат интегрални кифлички и леб или тортиљи од интегрално брашно кои ќе ги наполнат со здрав намаз со сирење, парчиња суво месо или јајце, туна и свеж зеленчук. Исто така, важно е ужината да е убаво спакувана, да изгледа привлечно, мислењето на врсниците им е многу важно на децата бидејќи често се изложени на потсмев кога родителите амбициозно и со најдобра намера подготвуваат здрави оброци за своите деца, па некои често ги враќаат неизедени. Поради оваа причина, треба да разговарате со децата и да им објасните колку е важно да се хранат здраво – вели Ана.

Предлози за детски главни оброци и две ужини:

Појадок

1. Исцеден портокал 200 мл со лажичка цимет + тенок намаз хумус, со лажичка препечен сусам и лист зелена салата одозгора.
2. 1 парче „тонус“ леб, хумус намаз, свеж морков и краставица, 150 мл кефир.
3. 150 мл грчки јогурт + 1 парче леб „тонус“, варено јајце, 4 чери домати
4. Качамак – 1 чинија за супа со 30 г младо сирење.
5. 1 парче интегрален двопек, намаз ајвар + 2 до 3 парчиња печеница

Прва ужина: 1 црвен грејпфрут или зелено јаболко – 200 грама. Ова овошје најчесто се зема како прва ужина, но може и портокал или ананас.

Ручек

1. Чиста пилешка супа со магдонос + пилешко филе со грашок/боранија
2. Мусака од телешко и црвена пиперка
3. Ослич печен на мрсна хартија
4. Телешка чорба
5. Пилешко филе и витаминска салата или ризото со печурки

Втора ужина: овошје, зелено јаболко, портокал, црвен грејпфрут, свеж ананас, круша, мандарини – 200 г.

Вечера (задолжително до 20 часот)

1. Кисело млеко и 1 интегрален двопек и свежа краставица.
2. Интегрален двопек или 1 парче тонус + младо сирење, 30 грама + чери домати или обичен домат и малку рукола.
3. Полнети шампињони – 200 грама.
4. Кефир+1 лажичка ленено семе+препечен „тонус“ леб+ еден свеж морков.
5. Интегрален двопек со крем-сирење+салата од зелена и црвена зелка.

Извор