Ако го славите Божиќ, знаете дека тоа е период од годината кој може сериозно да влијае врз вашето расположение и размислување. Децата се многу возбудени поради украсите, светилките, подароците и, се разбира, одморот од училиште или градинка. Затоа можеби се прашувате колку Божиќ влијае врз мозокот на вашето дете. Заради што се чувствува добро во овој период од годината, што го загрижува и како можеме да му помогнеме во сето тоа?

Позитивни и негативни влијанија на божиќните празници

Како прво, тука е факторот на исчекување. „Одбројувањето на што било може да резултира во чувство на возбуда, тегоби, фрустрации, страв и среќа“, вели д-р Бетани Кук, лиценциран клинички психолог, мајка на две деца и авторка на книгата „За она што вреди: перспектива за напредување и преживување на родителскиот период 0-2“. Таа објаснува дека тоа за возврат го ослободува допаминот во мозокот, што може да направи некој да се чувствува среќен. Освен тоа, како детскиот мозок ќе ги обработи Бадник и Божиќ, зависи од тоа што се случува околу нив, „Не доживуваат сите деца позитивни чувства околу празниците. Зголемувањето на родителскиот стрес може да се рефлектира врз детето, може да дојде до недостиг на храна, загриженост поради топлина во домот итн.“, вели д-р Кук.

Затоа се советува возрасните да имаат повеќе трпение, особено ако децата губат контрола поради некои работи.

Фокусирајте се на позитивното

За семејствата што уживаат во одржувањето на своите празнични традиции, предностите се навистина значајни. Со преглед на 32 студии во последните 50 години објавени во списанието „Американска психолошка асоцијација – журнал за семејна психологија“, откриено е дека семејните рутини и ритуали, вклучително и божиќните традиции, имаат позитивно влијание врз здравјето на децата, чувството на идентитетот на адолесцентите, силните семејни односи и уште многу нешта. Освен тоа, чувството на носталгија околу празниците, исто така, може да биде од корист. Додека помладите деца тоа можеби сè уште не го чувствуваат, постарите може да споделуваат среќни спомени со родителите и постарите роднини. „Носталгијата и потсетувањето на минатите празнични обичаи ѝ помагаат на личноста да го задржи чувството на континуитет и покрај постојаните промени со текот на времето“, вели д-р Кристин Банчо, експерт за носталгија, во интервју за Американското психолошко здружение.

„Охрабрувачко е да се сфати колку нашите животи биле богати – колку радост, напорна работа, успех и возбудување сме искусиле“. Д-р Банчо вели дека истражувањата покажуваат дека дури и децата од 5-6 години може да чувствуваат носталгија. Како родители, можеме да им помогнеме на своите деца да уживаат во овие позитивни чувства, покажувајќи им слики од минати празнични моменти, расправајќи за забавните моменти од минатите празници или дури помагајќи им на децата да направат посебни книги со фотографии или спомени на кои може да се навратат.

Автор: Присила Блосом

Извор