На луѓето што неодамна стапиле во брак и оние што се во брак некое време тешко им е да постават граници со свекорот и свекрвата, особено кога тие не знаат да ги почитуваат границите. Затоа, вие и вашиот партнер треба да работите заедно и да ги држите настрана проблематичните свекор и свекрва.

Семејниот терапевт Дебора Кревалин нуди неколку совети со кои можете да поставите подобри граници во односот со свекорот и свекрвата.

Не соочувајте се со нив

Никогаш не соочувајте се со свекорот и свекрвата.

– Правилото е дека секој партнер им се обраќа на своите родители и своето семејство – вели Кревалин.

Зошто? Затоа што ако сакате да го решите проблемот, ќе предизвикате драма. Никој не сака да слушне дека нешто прави погрешно или неправилно. Затоа, замолете го партнерот тој да разговара со нив за конкретниот проблем.

Бидете јасни во вашите граници

Кога поставуваме граници, често сме нејасни. Оставаме простор за толкување, што е опасно бидејќи може да доведе до недоразбирање.

– Вие и вашиот партнер одлучувате еден за друг и одлучувате за вашите деца и вашите граници – вели Кревалин.

На пример, ако штотуку сте се породиле, треба да разговарате за тоа по колку време треба да дојдат бабите и дедовците на посета.

Секогаш бидете отворени и искрени со партнерот. Разговарајте и поставете граници пред да ви бидат потребни. Треба да сфатите дека градењето семејство бара компромис и напорна работа. Но, со трпение и труд, ќе биде полесно.

Извор