Дали по природа сте безгрижни и среќни? Ако е така, голема е веројатноста тоа да е мешавина од вашата генетика и вашиот личен избор за тоа како да го живеете својот живот. Областа на позитивна енергија се фокусира на идејата дека луѓето можат да си овозможат среќа само со промена на начинот на кој дејствуваат и размислуваат.
Се смета дека среќата повеќе е навика отколку благослов даден од Бога. И додека дел од вашата среќа е биолошки определен, постојат многу работи што можете да ги направите за да бидете посреќни.
Овие прашања ги фокусираат вашите деца на тоа како да бидат среќни. Вашите деца ќе ги интернализираат овие прашања и ќе си ги поставуваат во сопствената глава.
Кој е твојот омилен дел од денешниот ден? – Ова е добро прашање што треба да му го поставите на вашето дете за да се чувствува задоволно и среќно пред спиење.
За што си благодарен? – Ова прашање е добро да го поставите додека ручате. Секој член од семејството да каже за што е благодарен тој ден.
Што ќе направиш во врска со проблемот? – Кога детето ќе ви дојде со некој проблем, поставете му го ова прашање со топол и љубопитен тон. Дајте му шанса само да го реши.
Како мислиш дека се чувствува тој/таа? – Во секоја ситуација можете да негувате емпатија со тоа што ќе побарате од вашето дете да се запраша себеси како се чувствува другиот. Емпатијата ќе го направи вашето дете посреќна личност.
Како тоа направи да се чувствуваш? – Суштинскиот дел од среќата е да можете да ги забележите и да ги изразите сопствените емоции. Ова е одлично прашање што треба да го поставите кога вашето дете ќе дојде да ви каже за некоја лоша случка.
Што сакаш да правиме за викендот? – Истражување од 2010 година покажува дека исчекувањето позитивни искуства носи повеќе среќа отколку самите искуства. Штом вашето дете ќе порасне и ќе сфати дека утре не е денес, почнете со всадување навики за позитивно исчекување на мали задоволства.
Што можеме да направиме за да усреќиме некого? – Посета на болен роднина, некој што закрепнува од операција или волонтирање некаде е подарок што е бесценет за вашето дете. Тоа ќе биде гордо затоа што помогнало.
Што сакаш да правиш надвор денес? – Излегувањето надвор и вклучувањето во физички активности заедно со детето е прекрасна навика. Истражувањата покажуваат дека вежбањето ослободува ендорфин и е ефикасно во лекувањето на депресијата.
Кога се чувствуваш најсреќно? – Ако го насочите вниманието на искуствата во кои најмногу уживаат, децата ќе почнат да сфаќаат дека можат да изберат проактивно да го зголемат времето поминато во активности што ги прават да се чувствуваат добро.
912