Практични секојдневни совети за безбедност на вашето бебе
Им се восхитуваме на мајките кои можат да носат еден куп работи, торби за пелени, јадење и играчки! За жал, постојат лица кои би се обиделе да ја искористат вашата ранливост.
На пример, дали некогаш сте доживеале непожелно внимание од непозната жена за време на бременоста? Сте почувствувале страв или загриженост додека точевте гориво со бебето во автомобилот?
За да се заштитите и вие и вашите деца, експертите од Националниот центар за исчезнати и експлоатирани деца (MissingKids.com) ги предлагаат следниве совети:
За време на бременоста
- Одете на прегледи со вашиот партнер или друго лице од доверба;
- На болница, држете го бебето со вас во секое време; ако не можете да бидете присутни за некоја процедура, дозволете член на семејството или пријател да биде со бебето.
Дома
- Инсталирајте аларм и научете како да го користите;
- Научете ги децата да го кажуваат своето име, имињата на родителите, телефонскиот број и адресата.
- Користете највисоки приватни поставки при објавување фотографии на социјални мрежи;
- Менувајте ја дневната рутина; користете различно време и различен пат за извршување на задачите;
- Направете листа со контакти за итни случаи, вклучувајќи ги семејството и пријателите;
- Никогаш не среќавајте се со нови познајници сами, во приватни простории или во вашиот дом;
- Никогаш не оставајте го бебето или малото дете само дома, или со лице помладо од 14 години;
- Не поставувајте знаци или балони надвор од вашиот дом или автомобил кои покажуваат дека имате новороденче дома.
Надвор од домот
- Никогаш не оставајте го бебето или малото дете само во автомобил;
- Заклучувајте ги вратите кога сте на бензинска за да ставите гориво; оставете мал прозорец отворен за да влегува воздух во автомобилот;
- Чантата ставете ја на подот пред совозачкото седиште; клучевите држете ги во вас;
- Облекувајте ги децата во светли бои и фотографирајте ги на јавни настани или во паркови; ставете го вашето име и вашиот телефон во нивниот џеб;
- Внимавајте на лицата што не ги познавате добро, а кои покажуваат големо внимание кон вашите деца или им даваат подароци.
