Иако многу мажи сакаат да присуствуваат на породувањето и го опишуваат како еден од најубавите и најинтензивни моменти, има и такви што имаат различни искуства или воопшто не сакаат да бидат присутни. Исто така, познато е дека оваа тема покренува многу прашања за предностите и недостатоците што ги носи и затоа е важно да се знаат.

Негативна страна: Болката може да биде поинтензивна

Окситоцинот, познат и како хормон на љубовта, бара полесно и помалку болно породување. Затоа е подобро мажите, кои можеби чувствуваат страв или се помалку информирани или се плашат од целиот процес, да се држат подалеку од вас за време на породувањето. Нивната анксиозност може да додаде напнатост во целата околина, па дури и да доведе до ситуација кога нивото на адреналин кај мајката се зголемува, а хормонот окситоцин се намалува.

Негативна страна: Мажот може да падне во депресија откако ќе биде сведок на породување

Има мажи кои откако биле сведоци на породување, почнуваат да се чувствуваат немоќни и безнадежни. Ова се случува затоа што тие се свесни дека не можат многу да ви помогнат, персоналот ги избегнува или им вика, се плашат за вашиот живот и за животот на вашето бебе. Овие чувства обично не се изразуваат и се длабоко скриени во нивната потсвест. Но, понекогаш тие можат да се појават по присуството на породување, а некои од симптомите на депресија може да вклучуваат зголемување/губење на тежината, главоболки, замор, па дури и изолација од пријателите и од семејството.

Негативна страна: Присуството на породувањето може да го искомплицира љубовниот живот

Додека за повеќето мажи е во ред природниот процес на породување, има и такви што едноставно не се подготвени да го продолжат својот љубовен живот онаму каде што застана за време на бременоста. Сведочењето на породувањето кај некои мажи го зголемува чувството на љубов кон партнерката, додека кај други може да ги намали истите чувства и на тој начин вашата врска да се претвори во пријателска, наместо да остане љубовна.

Негативна страна: Породувањето може да потрае подолго ако вашиот партнер е во собата со вас

Кога мајката првпат ќе го земе бебето в раце, таа мора да се фокусира само на него. Првиот поглед во очите на бебето, првиот допир кожа со кожа ќе го одвлече нејзиното внимание од сè друго. Самото размислување за тоа може да ѝ помогне посилно да турка и побрзо да се породи. Но, понекогаш поради присуството на партнерот, поради зголемениот страв или вознемиреност што тој може да ги донесе, настанува обратна ситуација во која породувањето трае подолго и е поболно.

Негативна страна: Можеби присуството на таткото (поради хормоните) повеќе ќе ве иритира отколку што ќе ви помогне

Дури и ако мажите одлучат дека сакаат да бидат тука за вас и вашето дете, тоа може да се претвори во навистина лоша идеја. Ова е особено точно ако породувањето трае повеќе од 12 часа. Некои од нив почнуваат да јадат во собата, гледаат видеа на телефонот, па дури и може да си заминат за време на породувањето. Исто така, може да почнете да се чувствувате поспани поради напливот на адреналин, а сето тоа може да ве иритира.

Позитивна страна: Ќе биде присутен уште од првата минута од животот на бебето

Дури и ако некои мажи се исплашени и размислуваат дали навистина треба да бидат присутни во тој момент, дали ќе можат да ја гледаат својата сакана во таква болка и да бидат беспомошни, сето тоа ќе се претвори во незаборавен момент кога ќе дојде бебето на овој свет.

Позитивна страна: Може да ви помогне од самиот почеток, особено со доењето

Од првиот обид за доење партнерот може да биде со вас. Овие ситуации обично не успеваат на начинот на кој сте замислиле, па поддршката може да биде многу корисна. Понатаму, поради неможноста да се движите, партнерот може да ви донесе перница, вода, сок или да ве масира додека не го најдете совршениот начин за доење за вашето бебе, но и за себе.

Позитивна страна: Може да ви биде психолошка и емоционална поддршка

Идните татковци треба да бидат со своите сопрузи за време на породувањето бидејќи можат да им помогнат да се чувствуваат поопуштено и да ги насмеат. Дури и нервозен разговор за средба со дете може да ви помогне, ако ништо друго, времето поминува побрзо додека чекате. Понатаму, како нова мајка ќе бидете уморни и исцрпени, веројатно под лекови, а полесно ќе се опуштите кога знаете дека бебето секогаш ќе биде во добри раце, кај вашиот сопруг.

Извор