Повторно сме со Дамјан Талевски, ученик во осмо одделение во Основното училиште „Даме Груев“ од Битола.

По сите негови успеси во светот на танцот во 2017, 2018 и 2019 година за кои пишувавме, тој во пандемската 2020 година го менува танцовиот клуб и станува дел од танцовиот спортски клуб ТСК СПЕТ АП Битола, кој е членка на македонската танцова спортска федерација ТСФМ. Инаку, ТСК СТЕП АП е прв клуб од Македонија кој е првпат на светската ранг-листа.

Дамјан и неговата партнерка Илина вредно тренираат и постигнуваат значајни резултати во последните три години. Тие се млади талентирани натпреварувачи во стандардни и латиноамерикански танци кои две години по ред во 2021 и 2022 се македонски државни прваци во нивната категорија јуниори А2, а во 2023 година ги освојуваат високите второ и трето место на државно ниво.

Во последните три години континуирано учествуваат на WDSF OPEN “SKOPJE OPEN”, GRAND PRIX SKOPJE OPEN во организација на ТСФМ, како и на меѓународни натпревари во Србија, Грција, Албанија и на светското првенство во стандардни и латинотанци за јуниори во Софија, Бугарија.

(Комерцијална објава)