Постпородилната депресија (ППД), чест поттип на тешкото депресивно растројство, има поизразена наследна компонента во споредба со другите психијатриски состојби, но генетиката на ППД е помалку проучена отколку на другите психијатриски нарушувања, како што се анксиозноста и биполарното растројство.

Истражувачите од Школата за медицина UNC предводеле меѓународен тим на истражувачи во најголемата метаанализа досега, со цел да ја истражат генетиката на состојбата.

Нивното истражување, објавено во „Американското списание за психијатрија“, покажува дека приближно 14 проценти од варијациите во случаите на ППД може да се препишат на заедничките генетски фактори. ППД од пациентот често не е само резултат на фактори на животната средина, како што е траума од минатото. Наместо тоа, подложноста на ПДП произлегува и од значајна генетска компонента.

Истражувачите, предводени од научникот д-р Џери Гуинтивано, исто така, ја откриле генетската структура на постпородилната депресија, за која велат дека е во значајна корелација со генетската структура на тешката депресија, биполарното растројство, анксиозните нарушувања, посттрауматски стрес, несоницата и синдромот на полицистични јајчници.

Ова значи дека симптомите на ППД се јавуваат како резултат на интеракцијата на истите гени, вклучени во другите психолошки нарушувања и нарушувањата поврзани со хормони.

„Проучивме приближно 1,1 милион региони на човечкиот геном“, вели Гуинтивано, „и откривме дека ППД има сличен генетски потпис како и овие други психијатриски нарушувања. Се чини дека генетските ризик-фактори за ППД се споделени и со други нарушувања, како што се тешка депресија, биполарно растројство и анксиозност“.

Иако истражувачите откриле повеќе за генетиката на постпородилната депресија од кога било досега, тие сепак имаат ограничени податоци. Најдобрите студии за геноми користат податоци од стотици илјади луѓе со одредено нарушување, како што се тешка депресија или шизофренија.

За студијата, Гуинтивано и неговите колеги користеле 18 групи на луѓе со европско потекло (17.339 случаи на ППД и 53.426 контроли), една група со потекло од Источна Азија (975 случаи и 3.780 контроли) и една група од африканско потекло (456 случаи и 1.255 контроли), за вкупно 18.770 ППД предмети и 58.461 контрола.

Иако ова била најголемата студија за ППД досега, Гуинтивано соопштил дека сепак имало премалку случаи на постпородилна депресија за да се прецизираат одредени локации во геномот поврзани со ризикот од нејзина појава.

Извор